«Haniebny akt dyviersii». Polšča začyniaje konsulstva Rasii ŭ Krakavie z-za padpału handlovaha centra
Polšča abvinavaciła rasijskija śpiecsłužby ŭ maštabnym pažary, jaki amal całkam źniščyŭ handlovy centr u Varšavie letaś.
U paviedamleńni na płatformie X premjer Donald Tusk zajaviŭ, što Polšča «maje absalutnuju ŭpeŭnienaść», što pažar u handlovym centry Marywilska staŭ vynikam padpału, ździejśnienaha pa zahadzie rasijskich śpiecsłužbaŭ, piša Bi-bi-si.
Tusk dadaŭ, što niekatoryja z datyčnych užo pad vartaj, a astatnija padazravanyja identyfikavanyja. Ich šukajuć.
Polšča začyniaje rasijskaje hienkonsulstva ŭ Krakavie z-za dziejnaści rasijskich śpiecsłužbaŭ.
«U suviazi z dokazami taho, što rasijskija śpiecsłužby ździejśnili haniebny akt dyviersii suprać handlovaha centra na vulicy Maryvilskaj, ja pryniaŭ rašeńnie adklikać dazvoł na dziejnaść konsulstva Rasijskaj Fiederacyi ŭ Krakavie», — napisaŭ u X ministr zamiežnych spraŭ Polščy Radasłaŭ Sikorski.
Maskva pakul nie prakamientavała hetyja abvinavačvańni, adnak raniej admaŭlała lubuju datyčnaść da aktaŭ sabatažu ŭ Jeŭropie.
Pažar, jaki adbyŭsia ŭ Varšavie ŭ traŭni 2024 hoda, źniščyŭ 1400 małych biznesaŭ. Šmat rabotnikaŭ hetych biznesaŭ byli pradstaŭnikami vjetnamskaj supolnaści Varšavy.
Rasśledavańnie ciahnułasia hod. Śledčyja pryjšli da vysnovy, što pažar arhanizavała asoba z Rasii, imia jakoj pakul nie raskryvajecca.
U sumiesnaj zajavie ministraŭ justycyi i ŭnutranych spraŭ Polščy havorycca, što ŭsie dziejańni zatrymanych byli «arhanizavanyja i nakiroŭvalisia kankretnaj asobaj, jakaja pražyvaje ŭ Rasijskaj Fiederacyi».
Handlovy centr Marywilska adkryŭsia ŭ 2010 hodzie, i padčas pažaru šmat rabotnikaŭ stracili važnyja dakumienty i vialikija sumy najaŭnych hrošaj, jakija zachoŭvalisia ŭ pamiaškańniach.
Praz try miesiacy paśla pažaru ŭładalniki Marywilska adkryli časovy handlovy centr, u jakim kala 400 pradprymalnikaŭ adnaviŭ svaju pracu.
U kastryčniku 2024 hoda ŭ Varšavie adkryli alternatyŭny handlovy centr Modlinska 6D, kudy pieranieśli častku biźniesaŭ.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary