Vialikabrytanija apublikavała śpis z 18 supracoŭnikaŭ rasijskaj vajskovaj raźviedki (HRU), suprać jakich uviedzienyja sankcyi. Jany abvinavačvajucca ŭ špijanažy, kibieratakach, dyviersijach i arhanizacyi złačynstvaŭ jak na terytoryi Vialikabrytanii, tak i ŭ inšych krainach Zachadu, piša The Moscow Times.
Heta pieršy taki krok pry novym ministry zamiežnych spraŭ Devidzie Łemi i častka ŭzmacnieńnia adkazu na hibrydnuju vajnu Rasii, jakuju, jak upeŭnienyja brytanskija ŭłady, prezident Rasii Uładzimir Pucin viadzie z metaj pašyreńnia chaosu ŭ Jeŭropie.
Siarod tych, chto trapiŭ pad sankcyi, 12 aficeraŭ z vajskovaj čaści 26165, viadomaj jak chakierskaja hrupa APT 28 / Fancy Bear. Dvoje ź ich — Ivan Jermakoŭ i Alaksiej Łukašaŭ — uzłamali telefon Julii Skrypal jašče da jaje atručvańnia ŭ 2018 hodzie. Jany taksama znachodziacca ŭ vyšuku FBR za ŭmiašalnictva ŭ vybary ŭ ZŠA.
Hetaja ž čaść dapamahała ŭ anłajn-raźviedcy padčas rasijskaj ataki na dramatyčny teatr u Maryupali, niahledziačy na nadpis «DZIECI» pobač z budynkam. U vyniku zahinuli sotni mirnych ludziej.
Pad sankcyi trapili taksama vajskovyja čaści 74455 i 29155, jakija datyčnyja da vybuchaŭ na składzie zbroi ŭ Čechii i Bałharyi, arhanizacyi zabojstvaŭ, u tym liku spravy Skrypaloŭ, a taksama da naboru najmitaŭ u Afhanistanie dla atak na kaalicyjnyja siły da ich vyvadu ZŠA z hetaj krainy.
Ministr Devid Łemi zajaviŭ, što Rasija nie pavinna sumniavacca — Zachad bačyć jaje dziejańni i nie źbirajecca maŭčać. Brytanskija ŭłady padkreślivajuć: hibrydnyja pahrozy Kramla nie złamajuć padtrymku Ukrainy i ŭmacavańnia biaśpieki Jeŭropy.
Akramia taho, Associated Press apublikavała danyja pra bolš čym 70 vypadkaŭ hibrydnych napadaŭ z boku Rasii, jaje sajuźnikaŭ ci prarasijskich struktur — heta špijanaž, padpały, kibierataki, dyviersii, vykarystańnie mihrantaŭ dla destabilizacyi, prapahanda i navat sproby zabojstva.
Adzin ź incydentaŭ — padpał składa va ŭschodnim Łondanie, jaki naležaŭ ukrainskaj kampanii. Jaho arhanizavaŭ brytaniec, zavierbavany rasijskaj raźviedkaj. Sud pryznaŭ vinavatymi ŭ hetym złačynstvie piać čałaviek.
Izrail šakavany sietkaj iranskich špijonaŭ, jakija dziejničali ŭ krainie
«Vahnier» zavierbavaŭ ludziej u Łondanie, kab tyja vykrali rasijskaha biznesmiena Čyčvarkina. Adzin ź ich pierapisvaŭsia z «Minsk KGB»
Litoŭski siabar Ksienii Lebiedzievaj, jaki sieŭ za špijanaž, prosić abmianiać jaho na biełaruskich palitviaźniaŭ
Polskaja prakuratura patrabuje pastrožyć prysud biełarusu za špijanaž
U Polščy čarhovaha biełarusa asudzili za špijanaž. Ale siadzieć jamu ŭžo niadoŭha
Kamientary