U Polščy čarhovaha biełarusa asudzili za špijanaž. Ale siadzieć jamu ŭžo niadoŭha
Akruhovy sud u Lublinie prysudziŭ 53-hadovaha hramadzianina Biełarusi Mikałaja Maskalenku da dvuch hadoŭ i dvuch miesiacaŭ pazbaŭleńnia voli za špijanaž. Uličvajučy čas, jaki jon užo pravioŭ pad vartaj, mužčyna moža vyjści na volu ŭžo paśla 30 maja.
Jak paviedamlaje Gazeta Wyborcza, sudovy praces prachodziŭ u zakrytym režymie, bo tyčyŭsia dziaržaŭnych intaresaŭ. Pavodle vierdyktu suda, Mikałaj Maskalenka špijoniŭ na karyść biełaruskich śpiecsłužbaŭ u pieryjad z 2018 pa 2023 hod, dziejničajučy suprać Polščy.
Maskalenka ŭžo bolš za 10 hadoŭ žyŭ u Polščy. Jon naradziŭsia va Ukrainie, dobra vałodaŭ polskaj movaj i zajmaŭsia drobnym handlem tavarami ź Biełarusi. Adnak, pavodle polskich uładaŭ, heta było tolki prykryćciom. Mužčynu zavierbavali biełaruskija śpiecsłužby, vierahodna, z-za jahonaj adukacyi — jon byŭ śpiecyjalistam u śfiery čyhunačnaha transpartu i łahistyki. Zatrymali biełarusa ŭ lutym 2023 hoda.
Śledstva ŭstanaviła, što jon źbiraŭ infarmacyju pra vajskovy aeradrom u Biełaj-Padlascy, dziejnaść vajskovaj avijacyi, pieramiaščeńnie techniki, a taksama pra infrastrukturu i transpart, źviazanyja z polskimi śpiecsłužbami. Taksama jon imknuŭsia vyśvietlić, jak polskija słužby viarbujuć biełarusaŭ i arhanizoŭvaŭ suviaź z supracoŭnikami KDB.
Druhoha abvinavačanaha — 59-hadovaha palaka, jaki dapamoh Mikałaju z žyllom, — aštrafavali na 7 tysiač złotych za toje, što jon nie paviedamiŭ uładam pra złačynstva. Abodva abvinavačanyja pryznali vinu.
U śniežni 2023 hoda hety ž sud vynies prysud jašče 14 inšaziemcam, abvinavačanym u špijanažy na karyść Rasii, u tym liku trom biełarusam. Maksimalny termin atrymaŭ Arciom A. — šeść hadoŭ, minimalny — Maryja Miadźviedzieva — hod i miesiac. Usie jany taksama atrymali štrafy.
Pa asobnaj spravie hramadzianin Biełarusi Uładzisłaŭ Paśmiciucha atrymaŭ dva hady i dziesiać miesiacaŭ pazbaŭleńnia voli i byŭ aštrafavany na 10 tysiač złotych.
U Polščy źnikła biełaruska, asudžanaja za špijanaž na karyść Rasii
Novyja padrabiaznaści dziejnaści rasijskaj špijonskaj sietki, raskrytaj u Polščy
Prarasijskich biełarusaŭ, zatrymanych u Polščy, padazrajuć u namiery padryvać ciahniki
KDB zatrymaŭ u Biełarusi hramadzian Polščy i krain Bałtyi «za ahienturnuju dziejnaść»
Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii
Prapahanda spačatku ich abialała, a paśla źmianiła ton. Što viadoma pra zatrymanych u Polščy biełarusaŭ, jakich vinavaciać u špijanažy na karyść Rasii
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?2
Kamientary