Polskaja prakuratura patrabuje pastrožyć prysud biełarusu za špijanaž
Rehijanalnaja prakuratura ŭ Lublinie nastojvaje na ŭzmacnieńni prysudu hramadzianinu Biełarusi, asudžanamu za špijanaž. Prakuratura abskardziła prysud suda pieršaj instancyi, paviedamlaje Reform.news sa spasyłkaj na Kurier Lubelski.
«My nie zhodnyja z pamieram pakarańnia ŭ vyhladzie pazbaŭleńnia voli dla Mikałaja M. Prakuror patrabuje piać hadoŭ turemnaha źniavoleńnia», — zajaviła pres-sakratar prakuratury Beata Syk-Jankoŭska.
26 maja 53-hadovaha biełarusa Mikałaja M. asudzili da dvuch hadoŭ i dvuch miesiacaŭ pazbaŭleńnia voli. U termin źniavoleńnia zaličyli čas, praviedzieny im pad vartaj. U vyniku 29 maja jon vyjšaŭ na volu ź śledčaha izalatara ŭ Radame.
Pavodle abvinavačvańnia, u 2018—2023 hadach biełarus ažyćciaŭlaŭ dziejańni, skiravanyja na raźviedku terytoryi vajennaha aeradroma ŭ Biełaj-Padlascy, źbiraŭ infarmacyju pra vajennyja apieracyi na hetym aeradromie, pra čyhunačnuju infrastrukturu i pieramiaščeńnie vajennaj techniki, a taksama pra abjekty i transpartnyja srodki, jakija znachodziacca ŭ rasparadžeńni Ahienctva ŭnutranaj biaśpieki Polščy ŭ Białaj-Padlascy.
Akramia hetaha, jon vyśviatlaŭ, jakija dziejańni pradprymajuć polskija śpiecsłužby dla viarboŭki hramadzian Biełarusi, u tym liku arhanizoŭvaŭ kanał suviazi z aficerami KDB Biełarusi, zajaŭlała abvinavačańnie.
Inšym abvinavačanym pa spravie byŭ 59-hadovy hramadzianin Polščy Biernard S. Jaho pryznali vinavatym u tym, što jon nie paviedamiŭ palicyi pra złačynnyja dziejańni biełarusa, i pryznačyli štraf u pamiery 7 tysiač złotych (1900 dalaraŭ).
Na sudzie abodva abvinavačanyja pryznali vinu.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary