Saša Filipienka raskazaŭ, što jaho raman «Słon» možna kupić u Biełarusi. Prapahandysty źniali jaho z prodažu za niekalki hadzin
Saša Filipienka paviedamiŭ, što jaho novy raman «Słon» na temu vajny va Ukrainie možna kupić na markietpłejsie ŭ Biełarusi. Na heta źviarnuli ŭvahu prapahandysty, jakija damahlisia taho, kab knihu źniali z prodažu, piša «Lusterka».
«A ciapier sapraŭdy važnaja navina! «Słon» narešcie pierajšoŭ miažu, i ciapier jaho možna kupić nie tolki ŭ Jeŭropie, ale i ŭ Biełarusi! I pobač», — napisaŭ piśmiennk u fejsbuku ŭ subotu.
Jon vykłaŭ spasyłku na markietpłejs Wildberries, dzie raman źjaviŭsia ŭ prodažy. Heta zaŭvažyli biełaruskija prapahandysty, u tym liku Ryhor Azaronak, jaki zajaviŭ, što Filipienka «vielmi rana ŭzradavaŭsia».
U adnym ź inšych praŭładnych kanałaŭ paabiacali, što «pytańnie z raspaŭsiudžvańniem [knihi] na terytoryi Biełarusi ciaham sutak vyrašycca». Praz užo niekalki hadzin «Słon» źnik z prodažu na markietpłejsie, a prapahandysty padziakavali «usim datyčnym».
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary
Tak što nieabaviazkova, što źniali jaje z prodažu mienavita łukašysckija prapahandysty.
Adnak u padtrymku hetaj viersii: supracoŭnictva kiraŭnictva WB z uładami RB, ilhoty dla WB u RB.