Cichanoŭski adkazaŭ Łukašenku nakont palitviaźniaŭ: Prosta zaraz 20 aŭtobusaŭ budzie na miažy, treba budzie, budzie 100 — zabiarem usich
Siarhiej Cichanoŭski adreahavaŭ na słovy Łukašenki, jaki ŭ čaćvier zajaviŭ, što byŭ hatovy pieradać Zachadu «tysiačy palitviaźniaŭ».
«Kali my kahości vyzvalajem, umova adna, chto b mianie pra heta ni prasiŭ (u asnoŭnym amierykancy): chočacie — kali łaska, zabirajcie, vyvoźcie», — zajaviŭ Alaksandr Łukašenka na naradzie 31 lipienia.
Jon adznačyŭ, što prapanoŭvaŭ, kali zachoča «toj bok», pieradać i «niekalki tysiač» palitźniavolenych: «Ja im u apošni raz skazaŭ: «Chočacie — my vam i hetych dadamo». — «Nie, nie, nie, hetych nie chočam, chočam voś hetych».
Siarhiej Cichanoŭski, što vyjšaŭ na volu 21 červienia paśla piaci hadoŭ turmy, viečaram zapisaŭ adkaz Łukašenku.
«Łukašenka zładziŭ u čaćvier čarhovy stendap. Kazaŭ pra handal ludźmi, pra amierykancaŭ, pra mianie. Chacia pa imieni nazvać pabajaŭsia. Ja prasłuchaŭ trojčy, kab ułavić sens, voś što ja pačuŭ. Łukašenka ŭpeŭnieny, što «biehłyja» nie chočuć prymać tysiačy palitviaźniaŭ, što im raty nie patrebnyja. Dyk voś Alaksandr, voś tabie moj adkaz.
Nam treba kožny, kožny kaho nazvali palitviaźniem: zdarovy, małady, chvory, stary — usie. Ty sam skazaŭ, adny vydatki ź imi, jašče karmić, apranać. I kali ty, Alaksandr, hatovy trymać słova, hatovy vypuskać pałonnych z umovaj, što jany vyjeduć za miažu, to ja ŭžo zamoviŭ 20 aŭtobusaŭ. Treba budzie, zamovim 100, biełarusy źbiaruć hetu sumu za hadzinu. Zabiarem usich, bo heta nie pra hrošy. Skažy tolki, kudy padjazdžać.
I kali ty, Alaksandr hatovy vypuskać ludziej, što jany pavinny vyjechać za miažu, to prosta zaraz 20 aŭtobusaŭ buduć na miažy. Kali ty hatovy adkazvać za svaje słovy. Bałaboł!»
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
Łukašenka: Biełarusi treba vajennaja mabilizacyja, kab utrymać ekanomiku krainy ŭ składanaj mižnarodnaj abstanoŭcy
Łukašenka zajaviŭ pra patrebu palapšeńnia adnosin z Zachadam «dla razboru zavałaŭ», jakija «pieraškadžajuć našaj pracy na suśvietnych rynkach»
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary
Dypłamatyja lubić cišyniu
[Zredahavana]