U Branskaj vobłaści USU padarvali most kala sutyku miežaŭ Biełarusi, Rasii i Ukrainy
Hubiernatar Branskaj vobłaści Alaksandr Bahamaz dniom 2 žniŭnia paviedamiŭ, što «ŭ vyniku skidu vybuchovych pryład pablizu nasielenaha punkta Rudnia-Cata paškodžany most».
Pra padryŭ mosta cieraz raku Cata taksama paviedamili i z ukrainskaha boku.
«Na Branščynie ŭźlacieŭ u pavietra most u Starych Jurkavičach, praź jaki išła pramaja daroha [da miažy z Ukrainaj]; juvielirnaja praca maich tavaryšaŭ)», — napisaŭ staršy lejtenant USU z pazyŭnym «Aleks».
Adnak ukrainski aficer śćviardžaje, što heta byŭ nie skid vybuchovaha prystasavańnia. Jak kankretna była padarvanaja pieraprava, jon nie ŭdakładniaje.
Jość viersija, što ŭkrainski dron zmoh zalacieć pad most i ŭdaryć pa zaradzie ź min, zakładzienych samimi rasijanami dla padryvu na vypadak ukrainskaha nastupleńnia.
Jak adznačaje resurs OSINTtechnical, hetaj apieracyjaj ukraincy faktyčna zabłakavali zabieśpiačeńnie rasijskaj armii na šasnaccacikiłamietrovym učastku rasijska-ŭkrainskaj miažy.
Raniej mienavita cieraz hety most jechali mašyny da pamiežnaha pierachodu «Try siastry», praź jaki možna było pierachodzić adrazu ŭ try krainy.
Ukrainski sałdat uratavaŭsia z akružeńnia na elektrarovary, jaki jamu skinuli z drona
Zafiksavanaja rekordnaja za apošni čas kolkaść rasijskich dronaŭ, jakija za noč zalacieli ŭ Biełaruś
Ukrainskija bieśpiłotniki ŭdaryli pa vajskovym zavodzie ŭ Pienzie
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty5
Kamientary