U Minsku psichatropy chavali ŭ blašanki z kansiervavanymi piersikami
23-hadovy zamiežnik u lutym paznajomiŭsia ŭ miesiendžary z maładym čałaviekam, jaki raspavioŭ, što zajmajecca vyrabam narkatyčnych srodkaŭ, i paabiacaŭ źviazać jaho z pracadaŭcam. Praź niekalki miesiacaŭ mužčynu napisaŭ nieznajomy i prapanavaŭ stać aptovym narkakurjeram u Biełarusi.
U suviazi ź finansavymi ciažkaściami zamiežnik pahadziŭsia. Jon nabyŭ kvitki na samalot i prylacieŭ u Minsk, dzie źniaŭ kvateru. Pavodle instrukcyj kuratara, mužčyna nabyŭ materyjały dla fasoŭki narkotyku, piša BiełTA.
Nieŭzabavie jamu paviedamili, što pryjedzie kurjer i pieradaść pasyłku. Unutry akazałasia haspadarčaja suma ź blašankami z kansiervavanym piersikami. Adkryŭšy jomistaści, mužčyna vyjaviŭ, što tam chavajecca paraškapadobnaje rečyva biełaha koleru.
Atrymany psichatrop jon fasavaŭ na drobnyja dozy, rabiŭ zakładki ŭ lasnych zonach Minska, a paśla fatahrafavaŭ tajniki. Na praciahu niekalkich miesiacaŭ schiema paŭtarałasia.
Supracoŭniki milicyi zatrymali mužčynu. Padčas pieratrusu jaho kvatery kanfiskavali 20 banak z utrymańniem paraškapadobnaha rečyva ahulnaj vahoj bolš za 10 kiłahramaŭ. Ekśpiertyza paćvierdziła, što kanfiskavanaje — asabliva niebiaśpiečnyja psichatropy miefiedron i alfa-PVP.
Na dopycie abvinavačvany raspavioŭ, što hrošy na apłatu avijakvitkoŭ, arendu kvatery i asabistyja patreby atrymlivaŭ ad rabotadaŭcy na kartku, albo pry asabistaj sustrečy z pasylnym. Ahulnaja vaha fasavanaha im narkotyku skłała bolš za 33 kiłahramy.
Maładomu čałavieku vystaŭlena abvinavačańnie pa č.3 art.328 (niezakonnaje, z metaj zbytu, nabyćcio, zachoŭvańnie psichatropnych rečyvaŭ) Kryminalnaha kodeksa.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary