Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ
Infarmacyja pra dron, jaki zalacieŭ u Litvu, moža być niesapraŭdnaj, skazaŭ kamandarm Litvy Rajmundas Vajkšnoras. Pavodle jaho słoŭ, praviarajuć usie mahčymyja varyjanty, uklučajučy viersiju, što nijaki abjekt u Litvu nie zalataŭ, piša Delfi.lt.
«Praviarajuć i inšyja viersii — ci znachodzicca dron u Litvie, a moža, heta byŭ fejk», — skazaŭ LRT 29 lipienia Vajkšnoras. «Moža być, nijaki abjekt u Litvu naohuł nie zalataŭ», — praciahnuŭ jon.
Pavodle słoŭ kamandarma, videa, jakija ŭ sacyjalnych sietkach raspaŭsiudžvali 28 lipienia, mahli być źniatyja va Ukrainie. «Pakul pravodzicca apytańnie žycharoŭ, jakija pieršymi ŭbačyli, pačuli abo jašče niešta zaŭvažyli i paviedamili ŭ Adziny centr dapamohi (…). Na siońniašni dzień stvarajecca ŭražańnie, što bolšaść ničoha nie bačyła, ale niešta čuła. A toje, što było padadziena ŭ vyhladzie videazapisaŭ, taksama dastatkova dvuchsensoŭnaja infarmacyja, u nas jość padazreńni, što videa zrobleny va Ukrainie», — skazaŭ Vajkšnoras.
28 lipienia ranicaj litoŭskaja palicyja prainfarmavała žycharoŭ Litvy pra toje, što ź Biełarusi prylacieŭ bieśpiłotnik nievyznačanaha typu. Ministr abarony Litvy Davile Šakalenie tym rankam skazała, što nie vyklučana, što heta moh być vypadkova zalacieŭšy dron, jaki nakiroŭvaŭsia va Ukrainu. Pavodle jaje słoŭ, takija incydenty mahčymyja i ŭ budučyni. MZS zaprasiŭ infarmacyju pra toje, ci nie moža hety dron być bajavym. Kali takaja infarmacyja paćvierdzicca, to pasłu Biełarusi budzie ŭručana nota.
10 lipienia ŭ Litvu ź Biełarusi ŭžo zalataŭ dron «Hierbiera». Pavodle źviestak słužbaŭ, jon nie ŭjaŭlaŭ nijakaj niebiaśpieki. Viadziecca rasśledavańnie hetaha incydentu.
«Dezaryjentavany SPA Ukrainy». U Litvie nazvali najbolš vierahodnuju viersiju, čamu na jaje terytoryju znoŭ zalacieŭ čužy dron
Jak drony zalatajuć ź Biełarusi ŭ Litvu? U iSANS raskazali, što viadoma
NATA «ŭvažliva sočyć za situacyjaj» z dronam u pavietranaj prastory Litvy
Dron zalacieŭ ź Biełarusi na terytoryju Litvy
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
[Zredahavana]