Vajskoŭcy, jakija vajujuć u Pakroŭsku Danieckaj vobłaści, paćvierdzili «Ukrainskaj praŭdzie» fakt praniknieńnia rasiejcaŭ u horad, ciapier idzie likvidacyja rasijskich dyviersijnych hrup.
Pa danych vajskoŭcaŭ, ź jakimi havaryła vydańnie, pieršyja hrupy rasijskaj piachoty ŭ Pakroŭsku zafiksavali jašče 5 dzion tamu — 17 lipienia.
Uviečary 21 lipienia analityčny prajekt Deep State paviedamiŭ, što ŭ Pakroŭsku «praciahvajecca likvidacyja dyviersijnych hrup» rasiejcaŭ.
«Paru dzion tamu praciŭnik, skarystaŭšysia tym, što ŭ adnoj z bryhad banalna skončyłasia piachota, a taksama niedakładnym pradstaŭleńniem abstanoŭki na miescach, praź Źvierava prakraŭsia ŭ sam horad. Terminova situacyju pryjšłosia vypraŭlać chłopcam z 155 AMBr i 68 AJEBr, kab heta nie pierarasło ŭ katastrofu», — havorycca ŭ paviedamleńni Deep State.
Adznačałasia, što rasiejcy majuć na mecie zamacavacca, dačakacca prybyćcia padmacavańnia i ŭziać pad kantrol vulicu Abaroncaŭ Ukrainy.
Pa stanie na viečar 21 lipienia praciahvaŭsia pošuk i źniščeńnie dadzienych rasijskich hrup.
«Na žal, i z našaha boku jość straty. Akramia taho, uzrasła kolkaść družalubnaha ahniu, bo ŭsie viedali pra «DRH» amal adrazu, ale bolšaść nie mieła razumieńnia ni maršrutaŭ, ni jak i dzie znachodziacca. Tamu naviny, jakija tyčacca padobnych praniknieńniaŭ varta padavać z chałodnaj hałavoj», — dadali ŭ Deep State.
Taksama analityki prajekta padkreślili, što ŭ sietcy ŭžo jość videa, jak vajennyja Sił abarony traplajuć u zasadu na rahu vulic Šaŭčenki i Abaroncaŭ Ukrainy.
Raniej hałoŭnakamandujučy Uzbrojenych Sił Ukrainy Alaksandr Syrski zajaviŭ ab źniščeńni rasiejskich dyviersantaŭ, jakija praryvalisia ŭ Pakroŭsk Danieckaj vobłaści.
Stała viadoma, dzie pracuje favarytka Łukašenki Uładlena Zajcava19
Kamientary
nu užo mietraŭ dvieście zbaŭcie
A to dzie toj piechoty napasiešsia.