Zvyčajna błohier nie raskazvaje pra asabistaje žyćcio. Ale apošnimi dniami jon ździviŭ padpisčykaŭ.
Aleh Hryško (sapraŭdnaje imia błohiera) rodam ź Lidy, jon pracuje dalnabojščykam i kiraŭnikom aŭtavoza. Ale 5 hadoŭ tamu vyrašyŭ zaniacca tvorčaściu i pačaŭ zdymać zabaŭlalnyja videa. Jaho sceničny piersanaž — biełaruskamoŭny Pan Usialan — adrazu začaravaŭ usich svajoj charyzmaj. Heta zvyčajny biełaruski mužyk — trochi hrubavaty, ale ščyry i krychu niedarečny. U rolikach błohier hraje i inšych piersanažaŭ.
Ciapier u instahramie, tyktoku i YouTube u Pana Usialana kala 600 tysiač padpisčykaŭ.
Pra svajo žyćcio błohier nie lubić raspaviadać. Vyklučeńnie jon zrabiŭ u studzieni 2023 hoda, kali napisaŭ u instahramie, što raźvioŭsia z žonkaj — para była razam bolš za 10 hadoŭ. U tym šlubie naradziłasia dačka Uljana, ciapier joj užo 12 hadoŭ.
Učora ž Pan Usialan ździviŭ padpisčykaŭ tym, što apublikavaŭ fota z novaj kachanaj Karynaj i pryznaŭsia, što znachodzicca ŭ pieraddekretnym adpačynku.
«Naš viek niadoŭhi — varta žyć kožny hod jak apošni, i jak maha adpaviedniej svaim adčuvańniam, — napisaŭ błohier. — Štości zdaryłasia na ščaście źnianacku — štości płanavana i, dziakuj Bohu, dastatkova chutka…»
Pra kachanuju Aleh paviedamiŭ niašmat: jany z Karynaj rodam z adnaho pasiołka, z adnolkavymi žyćciovymi fundamientalnymi kaštoŭnaściami i pohladami na ład žyćcia.
«Dla mnohich nie sakret, što heta nie pieršaje majo kachańnie i nie pieršy šlub, ale ja znoŭ ščyra vieru, što mahčyma jon apošni, i na toje jość svaje važkija pryčyny, jakija ja ŭsio ž pakinu pry siabie».
A ŭžo siońnia błohier zapisvaŭ storys u vip-pałacie minskaj radzilni №6. Jon žartavaŭ z taho, što trapiŭ u śmiešnuju situacyju: kab palepšyć pakazčyki KTH, Karynie paraili źjeści niešta sałodkaje — a ŭ pary ničoha takoha z saboj nie było. U vyniku niechta z daktaroŭ prynios paradzisie svaju skryniu cukierak.
— Heta, moža, pieršy vypadak u historyi, kali daktary dorać padarunki pacyjentam, a nie naadvarot, — śmiajaŭsia Aleh. — Kali maja mama daviedajecca, što my pryjechali ŭ balnicu biez šakaładak — nu, chana. Jana ž u mianie miedyk.
U chutkim časie Pan Usialan vykłaŭ ščaślivaje fota z novanarodžanaj dačkoj. Raniej jon pisaŭ, što nakont imieni jany z žonkaj jašče sumniavajucca, ale padpisčyki varyjantaŭ nakidali dastatkova.
Były forvard zbornaj Biełarusi Viačasłaŭ Hleb staŭ baćkam
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?
Błohierka Baba Niura raźviałasia z mužam-dalnabojščykam i syšłasia z hitarystam «Drazdoŭ»
Praŭładnaj błohiercy Andžališy zrabili prapanovu ruki i serca na 3 lipienia
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary
Džyli z mašynami DAI apaśla 2020 rekłamavaŭ lohka, dy z babaj Niuraj, što pajšła ŭ błohierki da Hanny Siałuk dy rekłamavała restaran Pajedziem-pajedzim u siabie ŭ inście, jamu było narmalova supracoŭničać