Каханне і сэкс1414

Папулярны блогер Пан Усялян другі раз стаў татам

Звычайна блогер не расказвае пра асабістае жыццё. Але апошнімі днямі ён здзівіў падпісчыкаў.

Алег Грышко (сапраўднае імя блогера) родам з Ліды, ён працуе дальнабойшчыкам і кіраўніком аўтавоза. Але 5 гадоў таму вырашыў заняцца творчасцю і пачаў здымаць забаўляльныя відэа. Яго сцэнічны персанаж — беларускамоўны Пан Усялян — адразу зачараваў усіх сваёй харызмай. Гэта звычайны беларускі мужык — трохі грубаваты, але шчыры і крыху недарэчны. У роліках блогер грае і іншых персанажаў.

Цяпер у інстаграме, тыктоку і YouTube у Пана Усяляна каля 600 тысяч падпісчыкаў.

Пра сваё жыццё блогер не любіць распавядаць. Выключэнне ён зрабіў у студзені 2023 года, калі напісаў у інстаграме, што развёўся з жонкай — пара была разам больш за 10 гадоў. У тым шлюбе нарадзілася дачка Ульяна, цяпер ёй ужо 12 гадоў.

Учора ж Пан Усялян здзівіў падпісчыкаў тым, што апублікаваў фота з новай каханай Карынай і прызнаўся, што знаходзіцца ў пераддэкрэтным адпачынку.

Блогер Пан Усялян (Алег Грышко) з другой жонкай Карынай. Тут і далей фота з яго інстаграма

«Наш век нядоўгі — варта жыць кожны год як апошні, і як мага адпаведней сваім адчуванням, — напісаў блогер. — Штосьці здарылася на шчасце знянацку — штосьці планавана і, дзякуй Богу, дастаткова хутка…»

Пра каханую Алег паведаміў няшмат: яны з Карынай родам з аднаго пасёлка, з аднолькавымі жыццёвымі фундаментальнымі каштоўнасцямі і поглядамі на лад жыцця.

«Для многіх не сакрэт, што гэта не першае маё каханне і не першы шлюб, але я зноў шчыра веру, што магчыма ён апошні, і на тое ёсць свае важкія прычыны, якія я ўсё ж пакіну пры сябе».

А ўжо сёння блогер запісваў сторыс у віп-палаце мінскай радзільні №6. Ён жартаваў з таго, што трапіў у смешную сітуацыю: каб палепшыць паказчыкі КТГ, Карыне параілі з’есці нешта салодкае — а ў пары нічога такога з сабой не было. У выніку нехта з дактароў прынёс парадзісе сваю скрыню цукерак.

— Гэта, можа, першы выпадак у гісторыі, калі дактары дораць падарункі пацыентам, а не наадварот, — смяяўся Алег. — Калі мая мама даведаецца, што мы прыехалі ў бальніцу без шакаладак — ну, хана. Яна ж у мяне медык.

У хуткім часе Пан Усялян выклаў шчаслівае фота з нованароджанай дачкой. Раней ён пісаў, што наконт імені яны з жонкай яшчэ сумняваюцца, але падпісчыкі варыянтаў накідалі дастаткова.

Блогер Пан Усялян. Кадр яго кліпа

Каментары14

  • Неразборлівы блогер
    02.08.2025
    ;) , ну, а так бы з ёй разам паўдзельнічаў у марафоне блогераў Ганны Сялук.
  • Неразборлівы блогер
    02.08.2025
    Ну такі, папулярны.
    Джылі з машынамі ДАІ апасля 2020 рэкламаваў лёгка, ды з бабай Нюрай, што пайшла ў блогеркі да Ганны Сялук ды рэкламавала рэстаран Паедзем-паедзім у сябе ў інсце, яму было нармалёва супрацоўнічаць
  • Аля
    02.08.2025
    Настолькi папулярны, што першы раз чую.

Цяпер чытаюць

Дзмітрый Лукашэнка хоча паставіць пад кантроль усе мабільныя тэлефоны10

Дзмітрый Лукашэнка хоча паставіць пад кантроль усе мабільныя тэлефоны

Усе навіны →
Усе навіны

Як мінімум 68 мігрантаў загінулі ля берагоў Емена ў выніку крушэння лодкі, дзясяткі зніклі без вестак3

Расія моцна пашкодзіла важны мост у Херсоне. Ці кажа гэта пра падрыхтоўку да дэсанту на правы бераг?2

Лукашысты вераць, што змогуць зняць санкцыі ні за што. Гэта рэальна?25

У Вільні ў смеццевым кантэйнеры непадалёк ад амбасады Расіі знайшлі часткі цела забітага падлетка7

Японцы з дапамогай 3D-друку пабудавалі дом з зямлі, а не бетону

У Беларусі з'явілася вакансія з заробкам 33 тысячы рублёў. Каго шукаюць?1

У Празе на хакейным турніры на лёд выбегла раз'юшаная маці аднаго з гульцоў ВІДЭА1

У Сочы затрымалі дзяўчат і хлопца, якія рабілі сэлфі на фоне палаючай нафтабазы5

«Дар Марэны». На Дзятлаўшчыне знайшлі неапаганскае надмагілле6

больш чытаных навін
больш лайканых навін

Дзмітрый Лукашэнка хоча паставіць пад кантроль усе мабільныя тэлефоны10

Дзмітрый Лукашэнка хоча паставіць пад кантроль усе мабільныя тэлефоны

Галоўнае
Усе навіны →

Заўвага:

 

 

 

 

Закрыць Паведаміць