Kachańnie i seks2525

Błohierka Baba Niura raźviałasia z mužam-dalnabojščykam i syšłasia z hitarystam «Drazdoŭ»

Hanna Klincevič, bolš viadomaja jak Baba Niura, aktyŭna hastraluje z hurtom «Drazdy». Tamu nie dziŭna, što mienavita ŭ kalektyvie sustreła novaje kachańnie. Ale padpisčyki jaje nie zrazumieli.

Hanna Klincevič (Baba Niura) z hitarystam «Drazdoŭ» Ramanam Harbackim

Błohiercy Hańnie Klincevič papularnaść u sacyjalnych sietkach prynios vobraz Baby Niury.

Dziaŭčyna naradziłasia ŭ ahraharadku Traby Iŭjeŭskaha rajona Hrodzienskaj vobłaści i žyła tam da 12 hadoŭ. Ź dziacinstva lubiła paradziravać viaskovych babul.

Mienavita heta i stała jaje fiškaj: choć u zvyčajnym žyćci Hanna razmaŭlaje na ruskaj movie, ale kaža, što choča źbierahčy našu kulturu i pakazać jaje sučasnaj moładzi. I dapamahaje joj u hetym vobraz viaskovaj babuli.

Błohierka Hanna Klincevič u vobrazie Baby Niury

Dziaŭčyna nie maje prafiesijnaj akciorskaj adukacyi, jana skončyła vučylišča alimpijskaha reziervu ŭ Hrodnie. Paśla atrymańnia traŭmy pierajšła ŭ lohkuju atletyku na kidańnie mołata. Skončyła BDUFK i stała trenieram pa lohkaj atletycy.

Hanna raspaviadała, što kali pačała zdymać videa dla tyktoka, to asabliva nie raźličvała na pośpiech. U toj čas maładaja žančyna znachodziłasia ŭ dekretnym adpačynku — kolkaść jaje padpisčykaŭ imkliva pačała raści, kali dačce Hanny było kala hoda.

Na chvali papularnaści dziaŭčyna vyrašyła pačać raskručvać svoj instahram. Kaža, što maleńkaja dačka Jeva jaje vielmi matyvavała — chaciełasia, kab taja mahła hanarycca maci.

Błohierka Hanna Klincevič razam z dačkoj Jevaj i byłym mužam Iharam

U intervju dziaŭčyna nie adnojčy raspaviadała: spačatku muž Ihar byŭ upeŭnieny ŭ tym, što ŭ jaje ničoha nie atrymajecca — ličyŭ, što žonka zajmajecca niejkim hłupstvam. Ale ŭ vyniku pačaŭ dapamahać joj sa zdymkami.

Letaś Hanna ŭdzielničała ŭ praŭładnym realici «Fabryka błohieraŭ» i pieramahła tam. Ciapier jana maje bolš za 100 tysiač padpisčykaŭ u tyktoku i 92 tysiačy ŭ instahramie.

Tydzień tamu Hanna ŭ padkaście raspaviała, što raźviałasia.

— Ja nikoli nie kamientavała asabistaje žyćcio, ale, zdajecca, nadyšoŭ čas prakamientavać. Doŭha my da hetaha išli. Šmat chto moža skazać, što vinavata va ŭsim majo błohierstva — i tamu my raźvialisia. Ale nie. Dumki pra razvod u nas byli bolš za hod. My sprabavali mirycca-raźbiracca, ale ničoha nie atrymałasia. Prosta skažu, što nie błohierstva razburyła našu siamju. Prablema była i ŭva mnie, i ŭ Ihary. Vinavatyja my aboje ŭ tym, što adbyłosia.

Ciapier ža Hanna vyrašyła pakazać padpisčykam svajho novaha chłopca. Jana pryznajecca ŭ kachańni hitarystu hurta «Drazdy» Ramanu Harbackamu. Kaža, što ščaślivaja jak nikoli.

Apošnim časam Baba Niura aktyŭna hastraluje razam z «Drazdami» — jany jeździli i ŭ Maskvu na šou Małachava. Lidar hurta Vital Karpanaŭ raspaviadaŭ, što płanuje zaniacca pradziusiravańniem Hanny Klincevič jak solnaj śpiavački.

Dva roliki-pryznańni Hanny ŭžo nabrali ŭ instahramie kala 400 tysiač prahladaŭ. U padpisčykaŭ navina pra novyja adnosiny błohierki vyklikała chvalu niehatyvu. Šmat chto paličyŭ, što siamja nie vytrymała vyprabavańnia słavaj i hrašyma. Škadavali i byłoha muža, jaki byŭ zvyčajnym dalnabojščykam, dalokim ad śvietu błohierstva. Ale i vinšavańniaŭ taksama chapaje.

Kamientary25

  • daviedka
    24.06.2025
    Nie stoiło otpuskať žienu odnu s drozdami k Małachovu, a to połučiłsia trieuholnik.
  • Ždiu
    24.06.2025
    Ŝas kak naletiat v kommienty uŝiemlennyje mužčinki))
  • daviedka
    24.06.2025
    Eto otnošienija po rasčiotu... Vitalik Karpanov užie objavił o rospuskie hruppy, vot i budiet hitarist biez raboty hadavać dočku ot piervoho otvalivšieho mołočnoho muža.

Ciapier čytajuć

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu36

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Usie naviny →
Usie naviny

Minsk znoŭ zatapiła1

70-hadovuju žančynu z Homiela pasadzili za kamientary. Heta samaja pažyłaja palitźniavolenaja44

U rasijskim Saratavie vybuch. Abvaliŭsia ceły padjezd dziesiacipaviarchovaj panelki9

Siaredni zarobak daktaroŭ dasiahnuŭ 4100 rubloŭ «brudnymi»3

Amierykanskuju zorku Džejsana Deruła pryvieźli da Viktara Łukašenki17

Palitźniavoleny hramadzianin Łatvii atrymaŭ u SIZA dubinkaj za toje, što zastupiŭsia za biełaruskamoŭnaha źniavolenaha10

Žonka pasła ŭ Turcyi i byłoha pres-sakratara MZS Hłaza bolš nie viadzie ranišni efir na BT7

Ramzan Kadyraŭ ledź nie patanuŭ na adpačynku ŭ Turcyi9

Kryvavaja stralanina: što adbyvajecca pamiž Kambodžaj i Tajłandam?

bolš čytanych navin
bolš łajkanych navin

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu36

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Hałoŭnaje
Usie naviny →

Zaŭvaha:

 

 

 

 

Zakryć Paviedamić