Maładaja biełaruska zdymaje papularnyja tyktoki, u jakich imituje razmovy viaskovych babul
Altar eha Hanny Klincevič — baba Niura. Jana nie ŭchvalaje pavodzinaŭ moładzi, ź vialikaj cikavaściu stavicca da taho, što adbyvajecca ŭ susiedziaŭ, i ni na siekundu nie moža adchilicca ad spraŭ. Za pryhodami jaje piersanaža naziraje bolš za 50 tysiač padpisčykaŭ u instahramie i 80 tysiač u tyktoku, piša «Anłajnier».
Karystalniki sacsietak pakidajuć mnostva kamientaroŭ pad videa.
«Heta šedeŭr. Jak na babulu svaju hladžu», «Dziakuj, daražeńkija! Jak byccam doma ŭ vioscy byvaju, u dziacinstva viartajusia…», «Ciapier heta moj lubimy sieryjał».
Hańnie 24 hady, jana žyvie ŭ Minsku, zamužam, vychoŭvaje dvuchhadovuju dačku. Zapisvać roliki ad imia baby Niury dziaŭčyna pačała kala hoda tamu.
Pastupova ŭ piersanaža źjaviŭsia nie tolki paznavalny hołas, ale i niaźmiennaja chustka, karyčnievaja spadnica i ciopłyja tepciki.
Pavodle prafiesii Hanna — trenier-vykładčyk pa lohkaj atletycy, u minułym dziaŭčyna prafiesijna zajmałasia kidańniem mołata, a voś z akciorskim majsterstvam błohierka nijak nie źviazanaja. Ciapier jana maładaja mama ŭ dekrecie.
Jak časta byvaje, płana stać viadomaj u internecie ŭ Hanny nie było: razam ź siabroŭkaj dla viesiałości vyrašyli zapisać manałohi na videa — pahavaryć u takim styli Ania lubiła ź junactva.
Kankretnaha pravobraza ŭ baby Niury niama. Pavodle pryznańnia aŭtarki, vobraz atrymaŭsia zbornym.
Sama Hanna naradziłasia i vyrasła ŭ vioscy Traby Iŭjeŭskaha rajona, tamu dyjalekt rodam adtul. Choć pad videa časta sustrakajucca kamientary, što i dla inšych abłaściej Biełarusi hetyja intanacyi taksama typovyja.
«My ŭ natury trapili ŭ hatel». U sacsietkach aburajucca zachoplenym videa pra biełaruskuju turmu. Ale nie ŭsio tak prosta
Viaskoŭka vykłała ŭ tyktok pieśniu pra «Biełuju Ruś». Jabaćka aburyłasia, što taja niedastojnaja vykonvać patryjatyčnyja pieśni
«Ja tabie nie dziaŭčynka!» Žančyna pierapužałasia sustrečy z aleniem. Ale historyja atrymała cikavy praciah
Kamientary
Kakoj-to siur. Ludi schodiat s uma!...