«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ
«Heta było šakujučaje vidovišča».
«Ja padumała: kab ja ciapier išła niedzie mima jaho ciapierašniaha, ja b jaho prosta nie paznała. Ja prosta viedała, što jon budzie vychodzić z hetaha mikraaŭtobusa. Ja viedała, što heta jon. I viadoma, ty ŭ toj momant chavaješ toj žach, ad taho, što ty bačyš, bo heta škilet sa skuraj», —
pryznałasia Śviatłana Cichanoŭskaja ŭ novym vypusku šou «Žyćcio-malina».
Pa jaje słovach, niahledziačy na toje, što jana bačyła Siarhieja na karotkich videa z turmy, što raspaŭsiudžvała prapahanda, «usio roŭna heta było šakujučaje vidovišča».
«Ciapier, zrazumieła, ja jaho adkormlivaju. Myšcaŭ niama zusim. Ja znaju Cichanoŭskaha z takimi kłasnymi nahami…. A ciapier ciažka heta nazirać. Ale ty razumieješ, što heta ŭsio možna vyraŭniać. Hałoŭnaje, što jon psichałahična i maralna zastaŭsia tym ža Siarhiejem».
Śviatłana raskazvaje, što jaje muž nie choča papraŭlacca, bo «jamu padabajecca, jak jon vyhladaje ŭ kaściumie»: «Strojny, ale my razumiejem, što heta nie zdarovaja chudzizna. I zrazumieła, nieabchodna pravilna charčavacca, kab atrymać usie nieabchodnyja vitaminy, toj białok, jaki patrebny».
Cichanoŭskaja śćviardžaje, što Siarhiej sočyć za svaim charčavańniem, «nie kinuŭ siabie ŭ hastranamičny tur. U jaho vyličany KBTU (kałoryi, białki, tłuščy, vuhlavody — NN) u jaho charčavańni».
«Z prahmatyčnaha punktu hledžańnia, ja chaču, kab jon takim zastaŭsia. Tamu što nabyty kaściumy! I nie vielmi chaciełasia b potym kožny raz nabyvać niešta novaje», —
z žartam kaža Śviatłana i raskazvaje, što adrazu paśla sustrečy z usimi vyzvalenymi palitviaźniami, jana ź Siarhiejem pajechała ŭ kramu, «bo jon chacieŭ adrazu pazbavicca ad turemnaha adzieńnia».
«Jon prosta ŭ prymieračnaj pieraapranuŭsia. I my adzieńnie toje adrazu vykinuli».
Cichanoŭskaja raskazała, što zajmajecca boksam
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie
Cichanoŭskaja: Prašu nie kryŭdzicca, kali Siarhiej vystupaje ź niejkimi rezkimi zajavami
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek1
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary