Rasijskija turysty znajšli na plažy ŭ Tajłandzie vanity kašałota. Jany kaštujuć šalonyja hrošy
Turysty z Sankt-Pieciarburha padčas adpačynku na plažy Pchukieta ŭ Tajłandzie znajšli kavałak ambry — redkaha i kaštoŭnaha rečyva, viadomaha jak «vanity kašałota». Jahonaja vaha skłała kala 7 kiłahramaŭ, i kali heta sapraŭdnaja ambra, to jaje košt moža dasiahać 135 tysiač dalaraŭ.
Ambra ŭtvarajecca ŭ stravavalnaj sistemie kašałotaŭ i vielmi cenicca ŭ parfumiernaj industryi za svaje ŭnikalnyja ŭłaścivaści. Jana dapamahaje zachoŭvać pach, robiačy jaho bolš nasyčanym i doŭhim. U adroźnieńnie ad sintetyčnych zamieńnikaŭ, naturalnaja ambra nadaje ducham miakkaść, ciapło i ledź ułoŭnuju žyviolnuju notku, što asabliva cenicca ŭ elitnaj parfumieryi.
Turysty pravieryli znachodku ŭ dźviuch łabaratoryjach u Tajłandzie — abiedźvie paćvierdzili, što heta ambra. Ale kančatkovaje zaklučeńnie pavinien dać śpiecyjalizavany ŭniviersitet marskich daśledavańniaŭ, raźmieščany za 500 kiłamietraŭ.
Pakolki času da adlotu z krainy zastałosia mała, turysty pakinuli kaštoŭnaść na zachoŭvańnie ŭ znajomych. Paśla jany płanujuć viarnucca ŭ Tajłand, kab atrymać aficyjnaje paćviardžeńnie i adpaviednyja dakumienty. Bieź śpiecyjalnaha dazvołu vyvozić ambru z Tajłanda nielha — za heta praduhledžanaja kryminalnaja adkaznaść.
U apošnija hady padobnyja vypadkovyja znachodki stanoviacca ŭsio bolš kaštoŭnymi, pakolki kamiercyjny kitabojny promysieł ciapier zabaronieny. Tamu ambra pastupaje na rynak pieravažna dziakujučy «plažnym palaŭničym», jakija vysočvajuć rečyva ŭ rajonach mihracyi kitoŭ.
Kamientary