Polski parfumierny brend Bohoboco pačaŭ prodaž novaha vodaru z «sardečnaj notaj» bulby. Za fłakončyk Polish Potatoes abjomam 50 mł vytvorca prosić 665 złotych (bolš za 550 biełaruskich rubloŭ). Probnik u 2 mł abyjdziecca ŭ 30 złotych (amal 25 rubloŭ), piša «Zialony partał».
Pavodle zadumki stvaralnika vodaru, Polish Potatoes — heta «padarožža ŭ dziciačyja ŭražańni z atmaśfieraj šumnaha rynku».
«U sercy kampazicyi pulsujuć noty vysakarodnaj bulby, ružy, hielijatropu i hvaździka, jakija vykazvajuć pryhažość rynkavych rytuałaŭ. Polskaja bulba nadaje hetaj kampazicyi bahaty charaktar, spałučajučy ziamlistaść z vyraznaj sałodkaściu, addajučy daninu pavahi ziamli, jakaja źjaŭlajecca pačatkam usiaho», — havorycca ŭ apisańni da novaha vodaru na sajcie polskaha brenda.
U pačatkovych notach hučać pachi skury, travy, pšanicy, burakoŭ. U bazavych — pačuli, ambra, vanil, miod, a taksama siena, biaroza, ziamla.
Miarkujučy pa kamientarach internet-karystalnikaŭ na aficyjnaj staroncy polskaha brenda ŭ instahramie, «polskaja bulba» vyklikała cikavaść u publiki, jakaja paličyła takoje smakavaje spałučeńnie «ŭnikalnym i cikavym».
Što jość u novym handlovym centry Prizma, jaki adkryŭsia ŭ Minsku?
Stała viadoma, dzie ŭ Minsku adkryjecca pieršaja krama rasijskaha kankurenta «Miły» i «Vostrava čyścini i smaku»
U Lidzie pradavali tualetnuju vadu, jakaja vyklikała biaspłodździe
Japonski «Makdonalds» vypuściŭ parfumu z vodaram smažanaj bulby
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny44
Kamientary