Польскі парфумерны брэнд Bohoboco пачаў продаж новага водару з «сардэчнай нотай» бульбы. За флакончык Polish Potatoes аб'ёмам 50 мл вытворца просіць 665 злотых (больш за 550 беларускіх рублёў). Пробнік у 2 мл абыйдзецца ў 30 злотых (амаль 25 рублёў), піша «Зялёны партал».
Паводле задумкі стваральніка водару, Polish Potatoes — гэта «падарожжа ў дзіцячыя ўражанні з атмасферай шумнага рынку».
«У сэрцы кампазіцыі пульсуюць ноты высакароднай бульбы, ружы, геліятропу і гваздзіка, якія выказваюць прыгажосць рынкавых рытуалаў. Польская бульба надае гэтай кампазіцыі багаты характар, спалучаючы зямлістасць з выразнай салодкасцю, аддаючы даніну павагі зямлі, якая з'яўляецца пачаткам усяго», — гаворыцца ў апісанні да новага водару на сайце польскага брэнда.
У пачатковых нотах гучаць пахі скуры, травы, пшаніцы, буракоў. У базавых — пачулі, амбра, ваніль, мёд, а таксама сена, бяроза, зямля.
Мяркуючы па каментарах інтэрнэт-карыстальнікаў на афіцыйнай старонцы польскага брэнда ў інстаграме, «польская бульба» выклікала цікавасць у публікі, якая палічыла такое смакавае спалучэнне «ўнікальным і цікавым».
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары