Стала вядома, дзе ў Мінску адкрыецца першая крама расійскага канкурэнта «Мілы» і «Вострава чысціні і смаку»
Расійская сетка касметыкі і парфумерыі «Подружка» адкрывае сваю першую краму ў Мінску. Першая крама з'явіцца ў гандлёвым цэнтры «Скала» на скрыжаванні вуліц Прытыцкага і Петруся Глебкі, піша «Блізка».
«Подружка» — гэта сетка крам касметыкі, парфумерыі, сродкаў па догляду за сабой, аксесуараў і біжутэрыі. Яе беларускімі канкурэнтамі можна назваць не толькі магазіны «Міла» і «Востраў чысціні і смаку», але таксама і магазіны касметыкі.
Крама размесціцца на 1-м паверсе гандлёвага цэнтра.
Першыя крамы расійскай сеткі адкрыліся ў Маскве і вобласці ў 2005 годзе. У 2022 годзе, па даных часопіса «Форбс», сетку выкупіў уладальнік «ЛʼЭтуаль». Сёння ў сеткі больш за 300 крам.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары