Adna z kampanij miedyjahrupy Uładzimira Hraŭcova stała novym ułaśnikam «Ekonomičieskoj haziety».
Pavodle krynic Office Life, jašče vyrašajecca pytańnie adnosna metazhodnaści adnaŭleńnia drukavanaha vypusku vydańnia. Pakul praciahvaje rabotu tolki sajt.
Raniej zbor akcyjanieraŭ ZAT «Biełbiznespres», jakoje było zasnavalnikam i vydaŭcom «EH», abviaściŭ pra prypynieńnie ź lipienia vypusku papiarovaj viersii haziety. Adzin z zasnavalnikaŭ prajekta Fiodar Vielikasielec napisaŭ, što hazieta za 33 hady svaju «misiju vykanała», a ciapier «papiarovym vydańniam ź ich cykłami druku i dastaŭki davodzicca sastupać miesca elektronnym srodkam masavaj infarmacyi».
Biznes Uładzimira Hraŭcova zasiarodžany ŭ niekalkich śfierach. Adna ź ich — heta vypusk drukavanych i elektronnych žurnałaŭ dla buchhałtaraŭ, ekanamistaŭ, jurystaŭ, śpiecyjalistaŭ pa kadrach i pa achovie pracy. Chołdynh Hraŭcova taksama raźvivaje servisy pravavoj infarmacyi i pravierki kantrahientaŭ. Akramia taho, u biźniesmiena jość intaresy ŭ aptečnaj spravie i śfiery vonkavaj rekłamy.
U miedyjachołdynh siarod inšaha ŭvachodziać TAA «Vydaviecki dom Hraŭcova», TAA «Biełźniešrekłama», TAA «Aptečnaja sprava». Jak zajaŭlajecca, kampanija ŭjaŭlaje saboj bolš jak 40 praduktaŭ i servisaŭ, bolš za 900 pracaŭnikoŭ, bolš jak 200 000 padpisčykaŭ na miesiac.
Vydańnie «Ekonomičieskaja hazieta» vychodziła z 1992 hoda. 14 maja 2025 hoda hałoŭny redaktar Fiodar Vielikasielec paviedamiŭ, što vypusk vydańnia spyniajecca ź lipienia. Pavodle jaho, takoje rašeńnie pryniaŭ schod akcyjanieraŭ tavarystva «Biełbiznespres», jaki jość zasnavalnikam i vydaŭcom «Ekonomičieskoj haziety».
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond5
Kamientary