Prezident ZŠA Donald Tramp zajaviŭ, što kraina hatovaja da mahčymaj jadziernaj kanfrantacyi z Rasijaj, paviedamlaje CNN. Hetaja zajava prahučała ŭ intervju kanału Newsmax u adkaz na słovy namieśnika staršyni rasijskaj Rady biaśpieki Dźmitryja Miadźviedzieva, jaki nahadaŭ pra rasijskuju sistemu aŭtamatyčnaha jadziernaha adkazu «Miortvaja ruka».
Tramp udakładniŭ, što ZŠA nie žadajuć vajny, ale pavinny być hatovyja da ŭsiaho, kali havorka idzie pra jadziernuju zbroju. Jon adznačyŭ, što nakiravaŭ dźvie atamnyja padvodnyja łodki ŭ rehijon bližej da Rasii, kab zabiaśpiečyć biaśpieku amierykancaŭ i «upeŭnicca, što pahrozy — tolki słovy, a nie niešta bolšaje».
Raniej u svaich dopisach u Truth Social Tramp zajaviŭ, što hety krok — adkaz na «pravakacyjnyja» vykazvańni Miadźviedzieva. Tramp padkreśliŭ, što słovy mohuć mieć ciažkija nastupstvy, tamu ZŠA pavinny prademanstravać svaju rašučaść.
Taksama padčas intervju Tramp paŭtaryŭ, što ZŠA hatovyja ŭvieści novyja strohija sankcyi suprać Rasii i jaje partnioraŭ, kali taja nie spynić vajnu va Ukrainie da 8 žniŭnia. Jon dadaŭ, što, niahledziačy na ŭmieńnie Pucina abychodzić sankcyi, novyja miery buduć žorstkimi — uklučajučy 100-pracentnyja myty.
Na zakančeńnie razmovy Tramp adznačyŭ, što Pucin, mahčyma, sprabuje zachapić usiu Ukrainu, i heta «vielmi surjozna». Jon taksama vykazaŭ ździŭleńnie, što raniej, kali pamiž imi išli pieramovy, «u nas było mnostva dobrych razmoŭ, dzie my mahli b skončyć hetuju spravu, i raptam pačynajuć lacieć bomby».
Tramp pałochaje Maskvu atamnymi padłodkami — ekśpierty bajacca novaha Karybskaha kryzisu
Tramp pałochaje Maskvu atamnymi padłodkami — ekśpierty bajacca novaha Karybskaha kryzisu
Džo Bajden skazaŭ pra ciomnyja časy, jakija pahražajuć Amierycy z-za Trampa
U adkaz na bałbatniu Miadźviedzieva Tramp zahadaŭ pieramiaścić jadziernyja padvodnyja łodki
Tramp: Rasija z pačatku hoda straciła 112 tysiač sałdat, Ukraina — 8 tysiač
Kamientary