U ZŠA zafiksavali najdaŭžejšuju ŭ śviecie małanku, daŭžynia jakoj skłała 829 kiłamietraŭ. Elektryčny razrad raspaŭsiudziŭsia ad Techasa da vakolic Kanzas-Sici ŭ štacie Misury. Dla paraŭnańnia, heta prykładna jak adlehłaść pamiž Paryžam i Vieniecyjaj, piša The Guardian sa spasyłkaj na danyja Suśvietnaj mietearałahičnaj arhanizacyi.
Hetaja rekordnaja ŭspyška adbyłasia dastatkova daŭno, jašče 22 kastryčnika 2017 hoda, nad Vialikimi raŭninami — rehijonam, viadomym častymi navalnicami. Ale dakładna vymierać jaje atrymałasia tolki ciapier dziakujučy sučasnym hieastacyjanarnym spadarožnikam, jakija bieśpierapynna nazirajuć za atmaśfieraj Ziamli.
Papiaredni rekord naležaŭ małancy daŭžynioj 768 km, zafiksavanaj u 2020 hodzie.
Taksama dziakujučy novaj technicy byŭ zafiksavany inšy rekord — małanka praciahłaściu 17,1 siekundy, jakaja blisnuła nad Arhiencinaj i Uruhvajem u červieni 2020 hoda.
Navukoŭcy adznačajuć, što małanka moža prachodzić na vielmi vialikija adlehłaści ad miesca navalnicy, tamu navat kali niepahadź zdajecca dalokaj, lepš padčas jaje nie znachodzicca na dvary.
U Navapołacku zafiksavali złaviesna-pryhožyja małanki na zachadzie sonca FOTAFAKT
«U vas jość usiaho niekalki chvilin». Što rabić, kali navalnica, urahan abo śmierč zastali na pryrodzie
U Rasii małankaj zabiła na plažy troch čałaviek. Jak tak atrymałasia?
U Pieru futbalista zabiła małanka prosta padčas hulni
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary