U Małdovie admovilisia rehistravać vybarčy błok, jaki pravioŭ svoj źjezd u Maskvie
Centralnaja vybarčaja kamisija Małdovy 19 lipienia admoviłasia zarehistravać vybarčy błok «Pieramoha» dla ŭdziełu ŭ parłamienckich vybarach 2025 hoda. Jon źviazany z prarasijskim biznesmienam Iłanam Šoram, piša Newsmaker.md.
Jak zajaviŭ namieśnik staršyni małdaŭskaj CVK Pavieł Pościka, členy hetaha błoka źviazanyja z uciekačom-aliharcham Iłanam Šoram, jaki byŭ asudžany ŭ Małdovie na 15 hadoŭ źniavoleńnia. Pościka adznačyŭ, što Šor asabista ŭdzielničaŭ u stvareńni hetaha błoka, a toje, što źjezd «Pieramohi» prajšoŭ u Maskvie, vyklikaje padazreńni ŭ niezakonnym finansavańni z-za miažy.
Pradstaŭnik CVK taksama nahadaŭ, što ŭ Małdovie zabaroniena stvarać palityčnyja struktury na bazie partyj, pryznanych antykanstytucyjnymi. Častka ž partyj, što ŭvajšli ŭ błok, užo fihurujuć u sudovych pracesach — adna ŭ spravie ab rospusku, inšyja — z abmiežavańniem dziejnaści.
Niahledziačy na heta, pradstaŭniki «Pieramohi» nazvali rašeńnie CVK niezakonnym. U błok uvachodziać čatyry partyi: «Adnaŭleńnie», «Šaniec», «Alternatyva i siła vyratavańnia Małdovy» i ŭłasna «Pieramoha».
6 lipienia na źjeździe ŭ Maskvie Iłan Šor zajaviŭ, što błok «Pieramoha» budzie ŭdzielničać u vybarach, a jaho śpis uznačalić baškan Hahauzii Jaŭhienija Hucuł, suprać jakoj u Małdovie taksama zaviedzienaja kryminalnaja sprava.
15 lipienia Jeŭrasajuz uvioŭ sankcyi suprać siami čałaviek i troch arhanizacyj, jakich abvinavačvajuć u sprobach destabilizacyi i pahrozach suvierenitetu Małdovy. U śpis trapili i lidary partyj, što ŭvachodziać u błok «Pieramoha».
Były prezident Małdovy maryć paśla vybaraŭ adnavić adnosiny z Łukašenkam
U Maskvie paviedamili pra stvareńnie pad vybary ŭ Małdovie prarasijskaha błoka
Top-3 karumpavanyja prezidenty Uschodniaj Jeŭropy — novy fejk
U Małdovie dapuścili, što Rasija ŭ vyniku pieramoŭ pa Ukrainie vyviedzie vojski z Prydniastroŭja
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary