U Lachavičach patłumačyli, chto vinavaty, što chleb ź miascovaha chlebazavoda vyjšaŭ jak klej
Paśla taho jak u tyktoku źjaviłasia videa z sapsavanym chlebam, vypiečanym na Lachavickim chlebazavodzie, pradstaŭniki pradpryjemstva i miascovaha rajpo na staronkach rajonnaj haziety «Lachavicki vieśnik» pasprabavała siabie apraŭdać. U svaich tłumačeńniach jany spasłalisia na śpioku, niapravilnuju ŭpakoŭku i samich pakupnikoŭ. Ale pry hetym nijakich vybačeńniaŭ ad pradpryjemstva, adkul vyjšła niajakasnaja pradukcyja, nie prahučała, piša BG.Media.
Pradstaŭniki zavoda śćviardžajuć, što chleb moh sapsavacca z-za «bulbianoj chvaroby», jakaja ŭźnikaje pry vysokaj vilhotnaści i tempieratury. Ale pry hetym na ŭpakoŭcy, jakuju pakazali ŭ videa, vyrazna paznačany termin zachoŭvańnia — 72 hadziny. Chleb vypiekli 12 lipienia, a videa było apublikavana 14-ha — da kanca terminu zachoŭvańnia jašče zastavałasia šmat času.
Niahledziačy na heta, ni zavod, ni rajpo nie pryznali mahčymych prablem ź jakaściu syraviny, parušeńniem technałohii ci inšymi zbojami ŭ vytvorčaści. Usia adkaznaść nibyta lažyć na pakupnikach, jakija «niapravilna zachoŭvali chleb» abo «kuplali z zapasam».
Načalnica vytvorčaści Lachavickaha chlebazavoda paraiła zachoŭvać chleb u chaładzilniku i nie kuplać jaho šmat napierad. Ale takich instrukcyj niama na samoj upakoŭcy — pra ich možna daviedacca tolki ź ŚMI.
U vyniku hetyja tłumačeńni vyhladajuć jak sproba źniać adkaznaść z vytvorcy i abvinavacić spažyŭca. Choć mienavita vytvorca pavinien zahadzia i dakładna paviedamlać pra ŭmovy zachavańnia praduktu, a nie rabić heta paśla skandału.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary
Iz-za čieho chleb utratił svoi vkusovyje svojstva i v tiečienije sutok on čierstviejet.
Bukvalno pozavčiera so ssyłkoj na Minsielchozprod była staťja pro to, čto biełorusskije potriebitieli priedpočitajut chleb s ržanoj muki, boleje poleznoj błahodaria vitaminam i kletčatkie, no najti jeho užie praktičieski nievozmožno.
No pieried pandiemijej v 2020 ja jeŝio nachodił po odnomu vidu čiornoho chleba i batona s rumianoj koročkoj i prijatnym aromatom, no pośle užie dažie sriedi dorohich ničieho sjedobnoho upomniť nie mohu. Dažie v eto staťje pišut, čto nielzia chraniť chleb v polietilenovoj plonkie, no vieś chleb prodajut v niej. Voźmitie śviežij chleb i połožitie jeho v pakiet, tak on tut žie vieś otsyriejet.