Z-za novych praviłaŭ «na respublikanskim uzroŭni» ŭ Łunincy paŭstaŭ deficyt chleba
U kramach Łuninca apošnim časam staŭ naziracca deficyt chleba. Imavierna, takaja prablema jość i ŭ inšych haradach, naprykład, na toje ž skardzilisia žychary Rahačoŭskaha i Žłobinskaha rajonaŭ.
Na palicach kram Łuninca ŭviečary nie znajści zvyčajnaj «cahlinki», piša «Łuniniec Online». Lepšaja situacyja ŭ rajpoŭskich kramach, bo tam piakuć svoj chleb. U čym ža pryčyna raptoŭnaha deficytu?
— Chlebazavod pierastaŭ zabirać čerstvy, tamu stali zakazvać mienš, — adkazała pradavačka handlovaha abjekta na pytańnie, čamu niama «cahlinki».
Dyrektar chlebazavoda Pavieł Vabiščevič raspavioŭ, što na respublikanskim uzroŭni było zabaroniena zabirać z handlu čerstvy chleb. Raniej pa pałažeńniach sanitarnych normaŭ jaho puskali na pierapracoŭku. Ciapier hetaha rabić nielha. Tamu chlebazavod, zabirajučy čerstvy chleb i adpraŭlajučy jaho na ŭtylizacyju, paniasie straty. Na finansavaj dziejnaści heta adbiłasia b niehatyŭna.
— My vykonvajem zajaŭki ŭ tych abjomach, jakija dajuć handlovyja punkty. U našych firmovych kramach prablem z chlebam niama, — zapeŭniŭ Pavieł Vabiščevič.
Imavierna, takaja prablema jość i ŭ inšych haradach, naprykład, na tuju ž prablemu skardzilisia žychary Rahačoŭskaha i Žłobinskaha rajonaŭ.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary