У Ляхавічах патлумачылі, хто вінаваты, што хлеб з мясцовага хлебазавода выйшаў як клей
Пасля таго як у тыктоку з’явілася відэа з сапсаваным хлебам, выпечаным на Ляхавіцкім хлебазаводзе, прадстаўнікі прадпрыемства і мясцовага райпо на старонках раённай газеты «Ляхавіцкі веснік» паспрабавала сябе апраўдаць. У сваіх тлумачэннях яны спаслаліся на спёку, няправільную ўпакоўку і саміх пакупнікоў. Але пры гэтым ніякіх выбачэнняў ад прадпрыемства, адкуль выйшла няякасная прадукцыя, не прагучала, піша BG.Media.
Прадстаўнікі завода сцвярджаюць, што хлеб мог сапсавацца з-за «бульбяной хваробы», якая ўзнікае пры высокай вільготнасці і тэмпературы. Але пры гэтым на ўпакоўцы, якую паказалі ў відэа, выразна пазначаны тэрмін захоўвання — 72 гадзіны. Хлеб выпеклі 12 ліпеня, а відэа было апублікавана 14-га — да канца тэрміну захоўвання яшчэ заставалася шмат часу.
Нягледзячы на гэта, ні завод, ні райпо не прызналі магчымых праблем з якасцю сыравіны, парушэннем тэхналогіі ці іншымі збоямі ў вытворчасці. Уся адказнасць нібыта ляжыць на пакупніках, якія «няправільна захоўвалі хлеб» або «куплялі з запасам».
Начальніца вытворчасці Ляхавіцкага хлебазавода параіла захоўваць хлеб у халадзільніку і не купляць яго шмат наперад. Але такіх інструкцый няма на самой упакоўцы — пра іх можна даведацца толькі з СМІ.
У выніку гэтыя тлумачэнні выглядаюць як спроба зняць адказнасць з вытворцы і абвінаваціць спажыўца. Хоць менавіта вытворца павінен загадзя і дакладна паведамляць пра ўмовы захавання прадукту, а не рабіць гэта пасля скандалу.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары
Из-за чего хлеб утратил свои вкусовые свойства и в течение суток он черствеет.
Буквально позавчера со ссылкой на Минсельхозпрод была статья про то, что белорусские потребители предпочитают хлеб с ржаной муки, более полезной благодаря витаминам и клетчатке, но найти его уже практически невозможно.
Но перед пандемией в 2020 я ещё находил по одному виду чёрного хлеба и батона с румяной корочкой и приятным ароматом, но после уже даже среди дорогих ничего съедобного упомнить не могу. Даже в это статье пишут, что нельзя хранить хлеб в полиэтиленовой плёнке, но весь хлеб продают в ней. Возьмите свежий хлеб и положите его в пакет, так он тут же весь отсыреет.