Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»
Vydańnie The New York Times, spasyłajučysia na byłoha kalehu zahinułaha piša, što Ivan Varonič paśla ŭstupleńnia ŭ SBU ŭ siaredzinie 1990-ch hadoŭ kamandavaŭ padraździaleńniem śpiecyjalnych apieracyj.
Padraździaleńnie, jakim kiravaŭ Varonič, atrymlivała techničnuju padtrymku ad CRU i arhanizavała likvidacyju viadomaha bajevika Arsienija Paŭłava pad mianuškaj «Mataroła» ŭ akupavanym Daniecku.
Sa słoŭ kalehaŭ, paśla poŭnamaštabnaha ŭvarvańnia Varonič byŭ častkaj elitnaha padraździaleńnia, adkaznaha za dziejańni ŭ «šeraj zonie». Jano adyhrała klučavuju rolu ŭ niečakanym nastupleńni na rasijskuju Kurskuju vobłaść minułym letam.
Były kiraŭnik SBU Ivan Bakanaŭ, jaki byŭ asabista znajomy z zabitym pałkoŭnikam, zajaviŭ, što toj braŭ vielmi aktyŭny ŭdzieł u supraćdziejańni rasijskaj ahresii z 2014 hoda:
«Kali matyvam źjaŭlajecca zabojstva na bytavoj hlebie — heta adno. Ale heta moža być publičnaje pakarańnie, praviedzienaje rasijanami, a heta ŭžo zusim inšaja historyja, jakaja zapatrabuje ad SBU kompleksu nieadkładnych zachadaŭ».
Ivana Varoniča zabili ŭ Kijevie ranicaj 10 lipienia. U rajonie 9:00 nieviadomy padbieh da 50-hadovaha Ivana Varoniča na vulicy i piać razoŭ streliŭ ź pistaleta z hłušycielem. Paśla čaho ŭciok. Pałkoŭnik atrymaŭ ciažkija ranieńni i pamior na miescy
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary