Paśla zaviaršeńnia budaŭnictva vysakachutkasnaj mahistrali pamiž Maskvoj i Sankt-Pieciarburham chutkasnyja ciahniki «Sapsan» mohuć pačać kursiravać pa inšych kirunkach. Pra heta paviedamiŭ namieśnik hiendyrektara Rasijskich čyhunak Ivan Kaleśnikaŭ u intervju ahienctvu RIA Novosti.
Ciapier «Sapsany» jeździać tolki pamiž Maskvoj i Sankt-Pieciarburham. Ale paśla zapusku vysakachutkasnaj mahistrali, hetyja ciahniki mohuć być nakiravanyja na novyja maršruty. Razhladajucca varyjanty Maskva — Minsk, Maskva — Nižni Noŭharad i Maskva — Varoniež.
Ivan Kaleśnikaŭ udakładniŭ, što kančatkovaje rašeńnie jašče nie pryniataje, vyrašacca ŭsio budzie bližej da daty zapusku mahistrali. Pry hetym, na jaho dumku, novyja kirunki vyhladajuć davoli vidavočna.
«Sapsan» — vysakachutkasny ciahnik niamieckaj vytvorčaści. Hety sastaŭ razhaniajecca da 250 km/h, tamu na darohu jon pry najaŭnaści adpaviednaj infrastruktury tracić u dva razy mienš času, čym u zvyčajnych ciahnikach.
Vysakachutkasnaja mahistral — heta śpiecyjalna pabudavanaja elektryfikavanaja dźviuchkalejnaja čyhunka, pa jakoj ciahniki mohuć ruchacca sa chutkaściu ad 200 da 400 km/h. Pakul u Rasii takich mahistralaŭ niama, ale budaŭnictva asnoŭnaha ŭčastka pa płanach pavinna było pačacca ŭžo sioleta ŭ siaredzinie hoda.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk7
Kamientary