Daradca Cichanoŭskaj sustreŭsia ŭ Vašynhtonie z daradcam Vensa
Daradca biełaruskaj demakratyčnaj lidarki Śviatłany Cichanoŭskaj pa mižnarodnych pytańniach Dzianis Kučynski paviedamiŭ pra praviadzieńnie ŭ Vašynhtonie pieramoŭ z pradstaŭnikami amierykanskaj administracyi.
«U mianie adbylisia ciopłyja i praduktyŭnyja kansultacyi ŭ Biełym domie z Endzi Biejkieram — namieśnikam daradcy pa nacyjanalnaj biaśpiecy prezidenta Donalda Trampa i daradcam pa nacyjanalnaj biaśpiecy vice-prezidenta Džeja Dzi Vensa», — napisaŭ Kučynski.
Pavodle jaho słoŭ,
«hetaja sustreča aznačaje najvyšejšy ŭzrovień uzajemadziejańnia demakratyčnaj Biełarusi ź Biełym domam z momantu abrańnia prezidenta Trampa — žyćciova važny krok da ŭmacavańnia našaha pastajannaha dyjałohu z ZŠA».
Dzianis Kučynski pieradaŭ praz daradcu list Donaldu Trampu ad Śviatłany i Siarhieja Cichanoŭskich, a taksama padziakavaŭ amierykanskamu ŭradu za paśpiachovaje vyzvaleńnie biełaruskich palitviaźniaŭ, u tym liku — Siarhieja Cichanoŭskaha.
Abmierkavali taksama dalejšyja kroki ŭ raźvićci adnosin pamiž amierykanskim uradam i demakratyčnymi siłami Biełarusi, šlachi vyzvaleńnia palitviaźniaŭ, padychod u dačynieńni da režymu Łukašenki. A taksama ŭltymatum Trampa, mahčymaje pieramirje i cisk administracyi prezidenta ZŠA na Rasiju, pytańni rehijanalnaj biaśpieki i miesca Biełarusi ŭ pieramovach pamiž Ukrainaj i Rasijaj.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
Siabry, hatujem znoŭ šampanskaje adčyniać!