Дарадца беларускай дэмакратычнай лідаркі Святланы Ціханоўскай па міжнародных пытаннях Дзяніс Кучынскі паведаміў пра правядзенне ў Вашынгтоне перамоў з прадстаўнікамі амерыканскай адміністрацыі.
«У мяне адбыліся цёплыя і прадуктыўныя кансультацыі ў Белым доме з Эндзі Бейкерам — намеснікам дарадцы па нацыянальнай бяспецы прэзідэнта Дональда Трампа і дарадцам па нацыянальнай бяспецы віцэ-прэзідэнта Джэя Дзі Вэнса», — напісаў Кучынскі.
Паводле яго слоў,
«гэтая сустрэча азначае найвышэйшы ўзровень узаемадзеяння дэмакратычнай Беларусі з Белым домам з моманту абрання прэзідэнта Трампа — жыццёва важны крок да ўмацавання нашага пастаяннага дыялогу з ЗША».
Дзяніс Кучынскі перадаў праз дарадцу ліст Дональду Трампу ад Святланы і Сяргея Ціханоўскіх, а таксама падзякаваў амерыканскаму ўраду за паспяховае вызваленне беларускіх палітвязняў, у тым ліку — Сяргея Ціханоўскага.
Абмеркавалі таксама далейшыя крокі ў развіцці адносін паміж амерыканскім урадам і дэмакратычнымі сіламі Беларусі, шляхі вызвалення палітвязняў, падыход у дачыненні да рэжыму Лукашэнкі. А таксама ўльтыматум Трампа, магчымае перамір’е і ціск адміністрацыі прэзідэнта ЗША на Расію, пытанні рэгіянальнай бяспекі і месца Беларусі ў перамовах паміж Украінай і Расіяй.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд17
Каментары
Сябры, гатуем зноў шампанскае адчыняць!