Źjaviłasia niečakanaja viersija pryčyny źniknieńnia Mielnikavaj, jakaja «šmat što tłumačyć»
Viersija, jakuju ahučyli ŭ aŭtarskim prajekcie «Saša, što ty niasieš?!» redaktary Reform.news Fiodar Paŭlučenka i Alaksandr Atroščankaŭ, chacia i nie daje adkazy na ŭsie pytańni, ale hety «pazł arhanična ŭpisvajecca ŭ ahulnuju karcinu».
«Jość takaja, davoli cikavaja viersija, što Mielnikava mahła być ciažarnaj. Jość śviedčańni — znajomyja raspaviadali (za što kupiŭ, za toje i pradaju), što nibyta ŭ listapadzie jana pavodziła siabie tak, jak pavodzić siabie čałaviek, jaki moža być ciažarnym», — kaža Paŭlučenka.
Pa śviedčańniach znajomych, u Mielnikavaj, nastroj časta źmianiaŭsia, inšyja charakternyja prykmiety taksama byli.
Kali adličyć ad listapada, čatyry miesiacy — jakraz toj termin, kali ciažarnaść užo stanovicca bačnaj. I, mahčyma, mienavita heta i padšturchnuła jaje da adjezdu, miarkujuć aŭtary prajekta.
Kali pryniać hetuju viersiju jak rabočuju, jana, viadoma, nie tłumačyć usiaho — ci była jana ahientam, ci nie, chto ŭvohule vinavaty i h. d., ale hetaja detal moža dobra patłumačyć, čamu Mielnikava dahetul nie źjaviłasia publična, ličać aŭtary prahramy.
Bo kali adličyć ad listapada, to ciapier Mielnikava jakraz musiła b naradžać. I, adpaviedna, małaimavierna, što jana ŭdzielničała b u niečym publičnym ci mieła b mahčymaść padstaŭlacca pad miedyjny cisk.
«Nu, voś takaja hipoteza. My, zdajecca, u efiry jaje nie ahučvali, bo, ščyra kažučy, nie naša sprava — chto ad kaho ciažarny. Ale pasprabujcie ŭstavić hety pazł u ahulnuju karcinu — zdajecca, jon davoli arhanična ŭpisvajecca i šmat što tłumačyć», — miarkujuć viadoŭcy prahramy.
Na ich dumku, kali pryniać viersiju, to stanovicca zrazumieła, čamu Mielnikava nie na publicy — «bo, napeŭna, nie da taho». I navat kali jana ciapier u Biełarusi, a moža i nie ŭ Biełarusi — usio roŭna vidavočna, čamu joj mahli spatrebicca hrošy. «Maciarynski kapitał», — pažartavali słuchačy ŭ čacie pra skradzienyja hrošy.
«My hetuju viersiju z roznymi ludźmi prakručvali. Kali ŭpieršyniu jaje čuješ — zdajecca, niešta dziŭnaje. A potym kali pakrucić, pačynaješ razumieć, što, kali jaje ŭstavić u ahulnuju schiemu, šmat čaho pačynaje nabyvać sens», — kaža Paŭlučenka.
Anžalika Mielnikava pakinuła terytoryju Polščy i Jeŭraźviazu 26 lutaha 2025 hoda i palacieła ŭ Łondan. Pavodle rasśledavalnikaŭ, za dzień da vyletu jana zareziervavała numar u piacizorkavym hateli na Šry-Łancy, dzie ŭžo byvała raniej. Z 28 lutaha da 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jejny śled hublajecca. 25 sakavika jana pierastała vychodzić na suviaź. Dzie jana i što ź joj, niama infarmacyi.
Ciapier čytajuć
Połk Kalinoŭskaha paviedamiŭ pra hibiel troch bajcoŭ5
Kamientary