Ekanomika88

Kiraŭnik bresckaha aŭtobusnaha parka raskazaŭ pra zarobki da 6000 rubloŭ. A kiroŭca kaža, što ŭsie pajechali ŭ Polšču z-za nizkich zarobkaŭ

Staršynia Bresckaha harvykankama Siarhiej Łabadzinski naviedaŭ pradpryjemstva «Brescki hramadski transpart» i sustreŭ tam davoli śmiełaha kiroŭcu. Toj prosta ŭ tvar čynoŭniku raskazaŭ pra kadravy hoład i prablemy ź piensijami.

Siarhiej Łabadzinski. Fota: «Realny Brest»

Staršynia Bresckaha harvykankama Siarhiej Łabadzinski naviedaŭ «Brescki hramadski transpart». Dyrektar pradpryjemstva Siarhiej Čyž z hetaj nahody paviedamiŭ pra salidnyja zarobki, jakija atrymlivajuć jaho kiroŭcy.

«U nas zarabotnaja płata ŭ kiroŭcaŭ roźnicca. Ad 3000 da 6000 rubloŭ. Heta zaležyć ad taho, na jakim transpartnym srodku pracuje, ad stažu, ad kłasa i ŭsiaho astatniaha», — zajaviŭ Čyž u intervju «Realnamu Brestu».

Čyž śćviardžaje, što vyvučyŭ zarobki pa rynku i ŭziaŭ siaredni, tamu dla vyznačeńnia ŭzroŭniu zarobku jamu nie patrebnyja niejkija pažadańni supracoŭnikaŭ. Pa słovach dyrektara, u jaho jość 8 vakansij kiroŭcaŭ, i heta «nie zanadta šmat».

@maruk.by #biełaruś #dienismaruk #briest #pdddlavsiech #realbrest #avtomobilist ♬ orihinalnyj zvuk - Dienis Maruk

Niadziŭna, što hety raskaz Čyža staŭ virusnym u tiktoku. Hledačy kiraŭniku bresckich transpartnikaŭ, miakka kažučy, nie pavieryli. Mnohija mierkavali, što 6 tysiač rubloŭ atrymlivaje chiba što sam Čyž. U kamientaryjach pisali, što ludzi naadvarot sychodziać z hetaha parku, bo kab narmalna zarabić, tam treba pracavać ad zołku da zołku biez vychadnych.

Pra toje, jak na samoj spravie z zarobkami na pradpryjemstvie, brescki mer daviedaŭsia, praŭda, nie z kamientaryjaŭ u tyktoku, a ad pieršakrynicy. Vidać, dla bałansu mierkavańniaŭ Łabadzinski vyrašyŭ parazmaŭlać z kiroŭcami. Adzin ź ich nie staŭ saromiecca vialikaha načalnika i raskazaŭ, što situacyja z zarobkami zusim nie takaja dobraja, jak jaje apisvaje načalnik. Z-za hetaha mnohija pajechali ŭ Polšču i Hiermaniju, bo tam možna zarabić, a ŭ Breście — nie vielmi.

«Buduć zarobak padymać, kiroŭcy viernucca. Z Polščy pryjeduć, z Hiermanii. Navošta im za miažoj pracavać na inšych ludziej, tut možna pracavać. Usie ž pajechali za vialikim rublom. Tut padymać treba. Chaj na svaju krainu pracujuć, a nie na zamiežža. Navošta nam brać ludziej z Afryki, Azii, vučyć ich. Treba padniać zarobak i svaich ludziej viarnuć», — skazaŭ kiroŭca.

@maruk.by #pdddlavsiech #avtomobilist #biełaruś #dienismaruk #briest #realbrest ♬ orihinalnyj zvuk - Dienis Maruk

Pa słovach mužčyny, u parku deficyt nie tolki kiroŭcaŭ, ale i ślesaraŭ. I taksama z-za zarobkaŭ.

«I kiroŭcaŭ nie chapaje, i ślesaraŭ nie chapaje. Pracoŭnaja siła ŭsia za miažoj. Usie iduć tudy, dzie bolš płaciać. Dobrym śpiecyjalistam raniej płacili bolš. Uziać Saviecki Sajuz. Rabočy tam dobra zarablaŭ, moh niešta zarabić, dabicca. Kvatery davali», — adznačyŭ kiroŭca. 

Łabadzinski zaŭvažyŭ, što haradskija ŭłady mohuć dać arendnaje žyllo. Kiroŭca da hetaj idei pastaviŭsia skieptyčna i prapanavaŭ addavać kvatery va ŭłasnaść tym, chto adpracavaŭ na pradpryjemstvie 20 hadoŭ. Tady, maŭlaŭ, nichto nie budzie jechać pracavać za miažu i zastaniecca ŭ Breście.

Mer u adkaz adznačyŭ, što dziaržava ŭžo dazvoliła vykuplać arendnaje žyllo vajskoŭcam, a kiroŭcam prapanavaŭ pakul pačać z małoha.

Panarakaŭ kiroŭca i na piensiju. Pa jaho słovach, kiroŭcam adrezali lhoty, tamu ŭ mnohich piensii stali mienšymi z-za vialikaj kolkaści balničnych užo ŭ pažyłym uzroście.

«Heta chto siadzić, jak kažuć, naviersie, toj atrymlivaje bolšy zarobak i bolšuju piensiju. A ŭ rabočych mienš. Treba i heta pierahladać, kab ludzi atrymlivali hodnuju piensiju. Mahli pracavać», — davoli śmieła vykazaŭsia kiroŭca. 

@maruk.by #bolšieminuty #realbrest #briest #dienismaruk #biełaruś #avtomobilist ♬ orihinalnyj zvuk - Dienis Maruk

Łabadzinski abiacaŭ padniać hetaje pytańnie, a potym źmianiŭ temu.

Kamientary8

  • Baradzied
    16.07.2025
    Polaki zarpłaty nam płatiat, sieḿji naši kormiat nie to, čto eti kołchoznyje maodzeduny.
  • daviedka
    16.07.2025
    Mało podniať zarpłaty, nužno jeŝio i vźletievšije na vsio cieny opustiť v dva raza.
  • :)
    16.07.2025
    Vstrietiliś propahanda i riealnosť.

Ciapier čytajuć

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra1

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra

Usie naviny →
Usie naviny

Stvorany biełarusam startap paniziŭ akcyi Duolingo6

U Łatvii zaviali kryminalnuju spravu na mužčynu, jaki abražaŭ u ciahniku ŭ Šviejcaryi ŭkrainska-biełaruskuju siamju11

Jakija prysudy dajuć pa spravie Hajuna?13

«Kudy hladzić sanstancyja?» U stałoŭcy, dzie charčujucca ślapyja ludzi, pradajuć katlety z syrym miasam10

U ciahnik pieršaha kłasa ŭ Hiermanii chtości padkinuŭ troch kurej. Za infarmacyju abiacajuć 500 jeŭra5

Za kavu aštrafujuć? Jak prachodziać rejdy na zapraŭkach27

U Hrodnie 11‑hadovy školnik zhienieravaŭ vyjavu bamža na łožku ŭ kvatery — maci strymhałoŭ kinułasia dachaty i vyklikała milicyju6

U Minsku pačaŭsia fiestyval šansonu. Niaviestka Łukašenki pryviezła Šufucinskaha38

U Turcyi zabity ŭładalnik telehram-kanała «Utro Dahiestan»3

bolš čytanych navin
bolš łajkanych navin

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra1

Biascennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra

Hałoŭnaje
Usie naviny →

Zaŭvaha:

 

 

 

 

Zakryć Paviedamić