Čarhovy rekord. U Depo prapanujuć kvatery z canoj za mietr $6500
Nieruchomaść u Minsku praciahvaje biaźlitasna daražeć, što, biezumoŭna, na ruku premijalnamu siehmientu, bo ŭ ahulnym chaosie ich rascenki ŭžo nie zdajucca zanadta ambicyjnymi. Ale žyły kompleks Depo na praśpiekcie Niezaležnaści ŭsio roŭna nie pierastaje ździŭlać. Zabudoŭščyk abjaviŭ pra prodaž čarhovaj porcyi kvater, «kvadrat» u iakich acenieny ŭ $6500, piša Onliner.
Prajektnaja dekłaracyja prajekta była apublikavana ŭ haziecie «Źviazda». Idzie razmova pra dom №9.3 pa hienpłanie, jaki ŭ svaim markietynhavym uvasableńni maje nazvu Tatra 3. Zdać jaho płanujuć u 2026 hodzie.
Heta manalitna‑karkasny šaścipaviarchovy žyły dom z cokalnym paviercham. Na apošnim paviersie znachodziacca adna– i dvuchuzroŭnievyja pientchausy. Pad domam jość padziemny parkinh, u jaki možna spuścicca na lifcie.
Dolščykam prapanujuć 20 kvater płoščaj ad 53,57 da 180,68 kv. m. Atrymlivajecca, zastrojščyk u nabližanaj pierśpiektyvie pradaść kala 2000 «kvadrataŭ» žylla.
Cana adnaho mietra — $6500. Na dadzieny momant heta samaja vysokaja cana na rynku nieruchomaści Minska.
Cikava, što ŭ prajektnaj dekłaracyi zhadvajecca pra mahčymaść dolščykam atrymać źnižku ad zastrojščyka. Hetaje pytańnie razhladajecca indyvidualna i zaležyć ad płoščy kvatery, płaniroŭki, paviercha, pieršapačatkovaha ŭniosku i hrafika płaciažoŭ.
Kamientary
I navat horš, tam rasiejcy