TikTok razbłakavaŭ akaŭnty Śviatłany Cichanoŭskaj i Paŭła Łatuški. Jak hetaha damahlisia?
17 lipienia TikTok razbłakavaŭ akaŭnty Śviatłany Cichanoŭskaj i Paŭła Łatuški na terytoryi Biełarusi. Pra toje, jak atrymałasia hetaha damahčysia i jak prajšli pieramovy biełaruskich demakratyčnych siłaŭ i kiraŭnikoŭ hetaj sacyjalnaj sietki, vydańnie «Lusterka» raspytała ŭ dypłamatyčnaha daradcy Śviatłany Cichanoŭskaj Dzianisa Kučynskaha.
Damahčysia razbłakavańnia ŭdałosia ŭ vyniku asabistaj telefonnaj razmovy z pradstaŭnikami kampanii. Jak raskazaŭ dypłamat, da situacyi jany pastavilisia z «razumieńniem i kanstruktyŭna».
«U vyniku našaj kamunikacyi aficyjnyja akaŭnty Śviatłany Cichanoŭskaj i Paŭła Łatuški byli razbłakavanyja. Damovilisia ab dalejšym uzajemadziejańni, uklučajučy abmien nieabchodnaj infarmacyjaj i materyjałami, a taksama važnaść prasoŭvańnia pracedury vieryfikacyi dla aŭtaraŭ, kab paźbiehnuć niepažadanych situacyj», — havoryć Kučynski.
Na momant błakavańnia akaŭntaŭ 11 červienia ŭ demakratyčnych siłaŭ nie było pramoj suviazi z kiraŭnictvam TikTok. Tamu daviałosia vykarystoŭvać dypłamatyčnyja kantakty.
Tak, adzin z daradcaŭ premjer-ministra jeŭrapiejskaj dziaržavy, ź jakimi Kučynski mieŭ znosiny napiaredadni błakavańnia, jakraz byŭ znajomy z pradstaŭnikami TikTok ŭ svajoj krainie. Ź jaho dapamohaj udałosia ŭstalavać kantakt z kiraŭnictvam sacsietki.
«U mianie raniej była razmova z adnym ź ludziej na kirujučych pasadach. Tady i atrymałasia danieści našu pazicyju — što sapraŭdy TikTok źjaŭlajecca adnoj z najvažniejšych płatformaŭ u Biełarusi, asabliva siarod moładzi. I paprasili razbłakavać akaŭnty Śviatłany Cichanoŭskaj i Paŭła Łatuški», — raskazaŭ surazmoŭca.
Padčas pieršaj razmovy Ofis Śviatłany Cichanoŭskaj i pradstaŭniki sacsietki abmierkavali toje, jakija kroki možna rabić na apiaredžańnie, kab padobnych błakavańniaŭ bolš nie adbyvałasia. Akramia taho, pa słovach Kučynskaha, zajšła havorka pra zachavańnie kantaktaŭ i supracoŭnictva ŭ budučyni. Taksama pahavaryli pra padtrymku biełaruskaj movy ałharytmami sacsietki i pra raspracoŭku biełaruskaha interfiejsu.
Sacsietka TikTok zabłakavała akaŭnty lidarki biełaruskich demsiłaŭ Śviatłany Cichanoŭskaj i jaje namieśnika Paŭła Łatuški dla karystalnikaŭ ź Biełarusi 11 červienia 2025 hoda. Heta byŭ pieršy vypadak, kali płatforma abmiežavała dla karystalnikaŭ z našaj krainy dostup da jakich-niebudź videa.
Fejkavaja žurnalistka «Novaja hazieta Jeŭropa» sprabavała ŭziać intervju ŭ Paŭła Łatuški
Daradca Cichanoŭskaj sustreŭsia ŭ Vašynhtonie z daradcam Vensa
Achova i dziasiatki ludziej u kamandzie: za što žyvie Ofis Cichanoŭskaj u Vilni?
Andžej Duda paabiacaŭ Cichanoŭskaj arhanizavać joj sustreču z Naŭrockim
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary