Biełaruskaja «Ekonomičieskaja hazieta», jakaja spyniła vychad ź lipienia, zajmieje novaha ŭładalnika, paviedamlaje «Biełsat» na padstavie śviedčańnia svaich krynic. U vyniku vydańnie stanie častkaj miedyjachołdynhu.
Pavodle infarmacyi krynic «Biełsata», vydańnie kuplaje miedyjachołdynh TAA «Hałaŭnaja kampanija Uładzimira Hraŭcova». Detali ździełki nieviadomyja. Vierahodna, havorka idzie pra kuplu brenda i sajta vydańnia.
Pakul nieviadoma, jakoj budzie novaja redakcyjnaja palityka «Ekonomičieskoj haziety», ale prynamsi napačatku jaje pracu budzie padtrymlivać najaŭny kalektyŭ.
TAA «Hałaŭnaja kampanija Uładzimira Hraŭcova» była zasnavanaja 13 kastryčnika 1992 hoda. Pavodle katałohu pradpryjemstvaŭ Biełarusi, asnoŭnaja dziejnaść kampanii ŭklučaje pieryjadyčnyja vydańni, knihi i bieratary, rekłamnyja pradukty, infarmacyjnyja internet-resursy, sietku aptek, analityčnyja pravavyja sistemy, adukacyjnyja imprezy, ahienctva dziełavoj padpiski i kaśmietałahičnyja pasłuhi.
U miedyjachołdynh siarod inšaha ŭvachodziać TAA «Vydaviecki dom Hraŭcova», TAA «Biełźniešrekłama», TAA «Aptečnaja sprava». Jak zajaŭlajecca, kampanija ŭjaŭlaje saboj bolš jak 40 praduktaŭ i servisaŭ, bolš za 900 pracaŭnikoŭ, bolš jak 200 000 padpisčykaŭ na miesiac.
Vydańnie «Ekonomičieskaja hazieta» vychodziła z 1992 hoda. 14 maja 2025 hoda hałoŭny redaktar Fiodar Vielikasielec paviedamiŭ, što vypusk vydańnia spyniajecca ź lipienia. Pavodle jaho, takoje rašeńnie pryniaŭ schod akcyjanieraŭ tavarystva «Biełbiznespres», jaki jość zasnavalnikam i vydaŭcom «Ekonomičieskoj haziety».
Hałoŭny redaktar tłumačyŭ takoje rašeńnie źmianieńniami ŭ infarmacyjnaj śfiery, kali «niama nijakich prablem u atrymańni patrebnaj infarmacyi ciaham chviliny-druhoj», u vyniku čaho «papiarovym vydańniam ź ich cykłami druku i dastaŭki davodzicca sastupać miesca elektronnym srodkam masavaj infarmacyi». Z paviedamleńnia pry hetym nie było zrazumieła, ci praciahnuć pracavać sajt i inšyja resursy vydańnia.
«Ekanamičnaja hazieta» spyniła isnavańnie
«Spadziajusia, što my vyrulim, tamu što robim niešta važnaje i dobraje». Dyrektarka kniharni raskazała, što takoje knižny biznes u sučasnych umovach
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
Ciapier čytajuć
«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu1
«Niejak da jaje padsadzili realnuju varjatku». Byłaja palitźniavolenaja raskazała pra Maryju Kaleśnikavu
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary