Hrodzienca, jaki čatyry hady chavaŭsia ŭ horadzie ad siłavikoŭ, prysudzili da 6 hadoŭ kałonii ŭzmocnienaha režymu
33-hadovy Mikita Samaryn byŭ u vyšuku z 2021 hoda.
Hrodzienca Mikitu Samaryna prysudzili da 6 hadoŭ kałonii ŭzmocnienaha režymu, piša «Haradzienskaja pravaabarona».
Sud nad Samarynym pačaŭsia 2 lipienia 2025 hoda ŭ Hrodnie. Viadoma, što jaho sudzili pa dvuch artykułach KK — art. 364 «Hvałt u dačynieńni da supracoŭnika orhanaŭ unutranych spraŭ» i art. 411 «Złosnaje niepadparadkavańnie patrabavańniam administracyi papraŭčaj ustanovy». Viadoma, što Samaryna trymajuć u štrafnym izalatary ŭ žorstkich umovach.
U śniežni 2020 hoda Mikita ŭžo byŭ asudžany da 4 hadoŭ chimii za toje, što raspyliŭ haz padčas pikieta kala Kastryčnickaha RAUSa Hrodna.
Adnak paśla prysud jamu zamianili na 2,5 hoda kałonii. Samaryn nie pajšoŭ na apielacyju i zastaŭsia na svabodzie. Uvieś čas paśla suda Mikita chavaŭsia ad siłavikoŭ.
U adzin ź dzion sakavika pozna viečaram milicyjaniery zaŭvažyli jaho ŭ adnym z žyłych kompleksaŭ Hrodna. Pry sabie ŭ jaho nie było paśviedčańnia asoby, a danyja, jakija jon nazvaŭ, adsutničali ŭ bazie MUS.
Pa infarmacyi milicyi, kali Mikitu skazali jechać u RAUS, jon złamaŭ adnamu ź milicyjanieraŭ ruku i pasprabavaŭ uciačy ad ich praz raku. Ale jaho dahnali i zatrymali.
U Hrodnie Samaryn pracavaŭ aŭtarestaŭrataram, byŭ siabram kłubu rekanstruktaraŭ retraaŭtamabilaŭ «Vintaž». Nie raz udzielničaŭ u fotasiesijach i haradskich festach.
-
Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach
-
Vierahodnaj pryčynaj dla pryjezdu Deruła ŭ Minsk stali zdymki dla rekłamy katedžaŭ
-
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie
Ciapier čytajuć
Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach9
Kamientary
Kali b usie byli takimi, łuki b daŭno nie isnavała b užo.
Krasaŭčyk.