Jon mieŭsia adbycca 27 lipienia.
U Italii admianili vystup rasijskaha dyryžora Valeryja Hierhijeva. Pra heta paviedamlaje ahienctva ANSA sa spasyłkaj na kiraŭnictva Karaleŭskaha pałaca ŭ Kaziercie, dzie i pavinien byŭ adbycca kancert Hierhijeva 27 lipienia.
Pryčyny admieny vystupu nie nazyvajucca. U natatcy havorycca, što zapłanavany kancert davieranaj asoby Uładzimira Pucina «vyklikaŭ burnuju palemiku i zaściarohi adnosna mahčymych pratestaŭ, arhanizavanych ukrainskimi arhanizacyjami» ŭviečary 20 lipienia.
«Ura! Kancert Hierhijeva ŭ Italii admienieny! <…> Nastupny krok: Hierhijeŭ pavinien być pad sankcyjami!» — zajaviła kamanda Alaksieja Navalnaha, jakaja aktyŭna vystupała za admienu kancerta rasijskaha dyryžora, piša «Novaja hazieta. Jeŭropa».
Valeryj Hierhijeŭ byŭ davieranaj asobaj Pucina na prezidenckich vybarach u 2012 i 2018 hadach. U 2014 hodzie jon padtrymaŭ anieksiju Kryma, a paśla lutaha 2022 hoda nie staŭ publična asudžać poŭnamaštabnaje rasijskaje ŭvarvańnie va Ukrainu. Jak vyśvietliła «Novaja-Jeŭropa», za čas vajny źviazanyja z Hierhijevym fondy atrymali amal dva miljardy rubloŭ ź dziaržaŭnaha biudžetu.
Admianić vystup Hierhijeva na italjanskim fiestyvali Un'Estate da RE patrabavali ŭkrainskija aktyvisty, sajuźniki Alaksieja Navalnaha i vice-staršynia Jeŭraparłamienta Pina Pičerna. Arhanizatary adkazvali, što «kultura i mastactva — heta prastora dla dyjałohu pamiž ludźmi i mahčymaść raźvivać salidarnaść».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary