«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%
Pra handlovuju ździełku pamiž ZŠA i Jeŭrasajuzam amierykanski prezident Donald Tramp zajaviŭ žurnalistam paśla sustrečy sa staršynioj Jeŭrakamisii Ursułaj fon der Lajen u Šatłandyi.
«My dasiahnuli pahadnieńnia. Heta vyhadnaja ździełka dla ŭsich», — skazaŭ Tramp. Jon dadaŭ, što heta «svojeasablivaje partniorstva».
Pavodle słoŭ Trampa, myta na impart jeŭrapiejskich tavaraŭ u ZŠA składzie nie mienš za 15% — apuścić jaho nižej za hetaje značeńnie Vašynhton nie zmoža. Akramia taho, ES budzie zakuplać u ZŠA enierhanośbity na sumu 750 miljardaŭ dołaraŭ i inviestuje ŭ amierykanskuju ekanomiku «na 600 miljardaŭ dalaraŭ bolš, čym užo inviestuje», skazaŭ Tramp (cytujecca pa CNN). Taksama ES pahadziŭsia adkryć rynki krain dla handlu z ZŠA z nulavymi taryfami i zakupić «vializnuju kolkaść» vajennaj techniki.
Staršynia Jeŭrakamisii Ursuła fon der Lajen paviedamiła, što bakam udałosia zaklučyć vyhadnuju ździełku. Jak adznačaje Bloomberg, pahadnieńnie było dasiahnuta mienš čym za tydzień da ŭstupleńnia ŭ siłu pavyšanych mytaŭ u 50%, jakimi Tramp raniej pahražaŭ Jeŭrasajuzu.
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary