Ён меўся адбыцца 27 ліпеня.
У Італіі адмянілі выступ расійскага дырыжора Валерыя Гергіева. Пра гэта паведамляе агенцтва ANSA са спасылкай на кіраўніцтва Каралеўскага палаца ў Казерце, дзе і павінен быў адбыцца канцэрт Гергіева 27 ліпеня.
Прычыны адмены выступу не называюцца. У нататцы гаворыцца, што запланаваны канцэрт даверанай асобы Уладзіміра Пуціна «выклікаў бурную палеміку і засцярогі адносна магчымых пратэстаў, арганізаваных украінскімі арганізацыямі» ўвечары 20 ліпеня.
«Ура! Канцэрт Гергіева ў Італіі адменены! <…> Наступны крок: Гергіеў павінен быць пад санкцыямі!» — заявіла каманда Аляксея Навальнага, якая актыўна выступала за адмену канцэрта расійскага дырыжора, піша «Новая газета. Еўропа».
Валерый Гергіеў быў даверанай асобай Пуціна на прэзідэнцкіх выбарах у 2012 і 2018 гадах. У 2014 годзе ён падтрымаў анексію Крыма, а пасля лютага 2022 года не стаў публічна асуджаць поўнамаштабнае расійскае ўварванне ва Украіну. Як высветліла «Новая-Еўропа», за час вайны звязаныя з Гергіевым фонды атрымалі амаль два мільярды рублёў з дзяржаўнага бюджэту.
Адмяніць выступ Гергіева на італьянскім фестывалі Un’Estate da RE патрабавалі ўкраінскія актывісты, саюзнікі Аляксея Навальнага і віцэ-старшыня Еўрапарламента Піна Пічэрна. Арганізатары адказвалі, што «культура і мастацтва — гэта прастора для дыялогу паміж людзьмі і магчымасць развіваць салідарнасць».
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары