9 жніўня ў Варшаве на Нацыянальным стадыёне пройдзе маштабны канцэрт беларускага рэпера Макса Каржа, разлічаны на 60 тысяч гледачоў, і атмасфера гэтага мерапрыемства ў горадзе вельмі адчуваецца, піша Reform.news.
Фанаты пачалі збірацца ў горадзе яшчэ 7 жніўня, ладзячы вечарыны на вуліцах, у транспарце і кавярнях. Масавыя гулянні адбыліся каля Віслы, Палаца культуры і навукі і ў розных раёнах сталіцы.
Уваход на канцэрт пачаўся за дзве гадзіны да пачатку, каб усе паспелі прайсці дагляд. Некалькі вуліц перакрылі і змянілі рух транспарту для зручнага патоку гледачоў. На мерапрыемства забаронена прыносіць торбы любога памеру.
Пасля канцэрту запланаваная вялікая вечарынка ў Laplaya Club а 22:00. Гэта будзе першы выступ Каржа ў 2025 годзе і толькі другі ў яго кар’еры ў Варшаве.
Дванаццаць гадоў таму ён збіраў тут усяго 500 чалавек, а цяпер выступіць перад дзясяткамі тысяч на галоўным стадыёне Польшчы — і ніводзін іншы выканаўца з Беларусі, Расіі ці Украіны яшчэ не збіраў поўны PGE Narodowy.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3131
Каментары
Ай...