У Магілёве Міністэрства антыманапольнага рэгулявання і гандлю праверыла прыватнае прадпрыемства «АВА-сервіс», якое кіруе 12 крамамі «Нарасхват» і «У дома». Контралёры знайшлі там шмат парушэнняў заканадаўства.
У 10-ці крамах з паліц знялі больш за 60 найменняў прадуктаў з прамінулым тэрмінам прыдатнасці і 20 найменняў тавараў сумнеўнай якасці на агульную суму каля 1,7 тысячы рублёў.
Акрамя таго, былі зафіксаваныя завышаныя цэны на асноўныя прадукты — бульбу, свежыя агуркі, памідоры, яблыкі, безалкагольныя напоі і некаторыя малочныя вырабы.
За гэтыя парушэнні Эканамічны суд Магілёўскай вобласці наклаў на прадпрыемства штраф памерам больш за 5 тысяч рублёў. Тры службовыя асобы таксама панеслі адміністрацыйную адказнасць, а яшчэ 13 чалавек атрымалі папярэджанні.
Раней, у 2022-2024 гадах, прадпрыемства і яго супрацоўнікаў ужо каралі за падобныя парушэнні.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары