Адзін з самых доўгіх аўтамабільных мастоў Беларусі праз раку Прыпяць у горадзе Мазыр адкрыюць 7 лістапада 2025 года. Гэты пуцеправод закрылі для рэканструкцыі ў канцы 2023 года, а работы пачаліся ў студзені 2024-га.
Віцэ-прэм’ер Беларусі Анатоль Сівак агледзеў ход будаўніцтва. На гэты момант ужо ўзведзены ўсе 27 жалезабетонных апор маста, на 23 пралётах усталяваныя бэлькі, а на 15 гатовы асфальтабетонны пласт. Цяпер ідзе ўстаноўка агароджаў, асвятлення і падсвятлення.
Акрамя таго, будаўнікі прыводзяць у парадак берагі ракі, хоць гэта і не ўваходзіла ў пачатковы праект.
Мост мае даўжыню 924 метры і з’яўляецца адным з самых працяглых у краіне. Найдаўжэйшая аўтамабільная эстакада размешчаная за Мазырам каля вёскі Навікі — 929 метраў.
Адкрыццё маста прымеркаванае да 7 лістапада, якое дагэтуль з'яўляецца ў Беларусі дзяржаўным святам.
Цяпер чытаюць
У Мінску будуюць новае «Акрэсціна» ў глухой прамзоне. А што будзе са старым?7
Каментары