Adzin z samych doŭhich aŭtamabilnych mastoŭ Biełarusi praz raku Prypiać u horadzie Mazyr adkryjuć 7 listapada 2025 hoda. Hety puciepravod zakryli dla rekanstrukcyi ŭ kancy 2023 hoda, a raboty pačalisia ŭ studzieni 2024-ha.
Vice-premjer Biełarusi Anatol Sivak ahledzieŭ chod budaŭnictva. Na hety momant užo ŭźviedzieny ŭsie 27 žalezabietonnych apor masta, na 23 pralotach ustalavanyja belki, a na 15 hatovy asfaltabietonny płast. Ciapier idzie ŭstanoŭka aharodžaŭ, aśviatleńnia i padśviatleńnia.
Akramia taho, budaŭniki pryvodziać u paradak bierahi raki, choć heta i nie ŭvachodziła ŭ pačatkovy prajekt.
Most maje daŭžyniu 924 mietry i źjaŭlajecca adnym z samych praciahłych u krainie. Najdaŭžejšaja aŭtamabilnaja estakada raźmieščanaja za Mazyram kala vioski Naviki — 929 mietraŭ.
Adkryćcio masta prymierkavanaje da 7 listapada, jakoje dahetul źjaŭlajecca ŭ Biełarusi dziaržaŭnym śviatam.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary