На канверце Ціханоўскай напісана «Медведю О.В.» Што гэта за чалавек?
Імя Алега Мядзведзя ёсць на Чорнай карце Беларусі. У яго ёсць таксама пашпарт прыкрыцця.
Святлана Ціханоўская паказала скрутак, які 10 жніўня 2020 года ёй перадаў начальнік аператыўна-аналітычнага цэнтра (ААЦ) Андрэй Паўлючэнка — перад прымусовым выездам Ціханоўскай з Беларусі.
Лідарка дэмакратычных сіл Ціханоўская сцвярджае, што толькі цяпер упершыню распячатала канверт і знайшла ў ім 15 тысяч еўра новымі купюрамі. У левым куце напісана «…ск» — магчыма, «Мінск». А вось пазнака ў цэнтры — «Медведю О.В.».
Хто гэты чалавек?
Імя Алега Уладзіміравіча Мядзведзя нанесена на Чорную карту Беларусі. Па стане на 2020 год ён быў супрацоўнікам групы «Альфа» КДБ Беларусі.
Алег Мядзведзь нарадзіўся 28 студзеня 1974 года. У яго ёсць кватэра ў доме для сілавікоў на вуліцы Нёманскай у Мінску, а таксама лецішча пад Мінскам ў дачным таварыстве «Стралец-2014». Там, у Забалоцкім сельсавеце Смалявіцкага раёна, атрымалі ўчасткі пад будаўніцтва дзясяткі супрацоўнікаў групы «Альфа» КДБ.
Як паведамілі «Радыё Свабода» ў арганізацыі былых сілавікоў «Белпол», Алег Мядзведзь, акрамя пашпарта на сваё імя, мае таксама пашпарт прыкрыцця на імя Ніліна Алега Уладзіміравіча.
У чым менавіта заключыўся ўдзел гэтага Алега Мядзведзя ў спецаперацыі па высылцы Святланы Ціханоўскай, невядома. Аднак выглядае, што менавіта на яго імя былі выдадзены 15 тысяч еўра.
Цяпер чытаюць
Мінскі гарадскі суд не вытрымлівае нагрузкі — не паспяваюць судзіць палітвязняў6
Каментары