U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
Miascovy žychar chacieŭ upryhožyć dvor kala svajho doma drevami i kustami, ale spadabałasia heta nie ŭsim.
Historyju raskazała «Homielskaja praŭda».
Pobač z adnym z damoŭ u Homieli kamunalniki vysadzili kala 80 sadžancaŭ. Ale nieŭzabavie častka ź ich była pałamanaja — pavodle miascovych, heta zrabili maładyja ludzi z asacyjalnymi pavodzinami.
86-hadovy Alaksandr Kavaloŭ, nie zachacieŭšy mirycca z takoj strataj, razam z tavaryšam pa słužbie pryvioz novyja raśliny i samastojna pasadziŭ ich na miescy paškodžanych.
Adnak prablemy nie skončylisia. Pavodle słoŭ piensijaniera, złamyśnicaj akazałasia jaho 90-hadovaja susiedka, jakuju jon zastaŭ za tym, jak jana łamała vierchaviny maładych dreŭ — nibyta z prostaj škodnaści.
Žančyna nie chavaje, što joj taksama nie daspadoby kusty parečki pad bałkonam — i navat pahražaje pazbavicca i ad ich.
Sam Alaksandr pryznajecca, što nie viedaje, kudy źviartacca pa dapamohu — sił i ciarpieńnia svarycca z takoj susiedkaj užo niama.
Ciapier čytajuć
«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ1
Kamientary
Mabyć, na złosnych susiedziaŭ dendrafobaŭ znajšli niejki srodak)))