Alaksandr Łukašenka prakamientavaŭ dedłajny prezidenta ZŠA Donalda Trampa, jakija toj advodzić Rasii na spynieńnie vajennaha kanfliktu va Ukrainie. Pra heta jon zajaviŭ, adkazvajučy na pytańni žurnalistaŭ padčas sustrečy z Uładzimiram Pucinym na Vałaamie, piša BiełTA.
Alaksandr Łukašenka nazvaŭ Donalda Trampa «našym ahulnym siabram, za jakoha my tak pieražyvali». «Ja pamiataju našy pieražyvańni, kab jon pieramoh i hetak dalej», — adznačyŭ jon.
Kamientujučy zajavy kiraŭnika ZŠA nakont dedłajnaŭ, Łukašenka skazaŭ: «50, 60, 10 dzion. Tak palityka nie robicca. Kali jon choča miru — jon pavinien padklučacca aściarožna, hruntoŭna. Heta vajennaje sutyknieńnie. I ŭkazać tam nie atrymajecca. Tym bolš — jadziernaj dziaržavie. Heta prosta vyklikaje śmiech».
«Vy viedajecie, niadaŭna ja sustrakaŭsia z amierykancami. Ja im adkryta heta skazaŭ. Heta jaho (Donalda Trampa) blizkija siabry. Kažu im: prezidentu skažycie, što treba aściarožna ŭsio heta rabić. I damovicca možna», — zajaviŭ Łukašenka.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary