Zialenski prapanavaŭ Pucinu pierajści «da ŭzroŭniu razmovy lidaraŭ»
Prezident Ukrainy Uładzimir Zialenski paśla taho, jak prezident Rasii Uładzimir Pucin padčas sustrečy z Alaksandram Łukašenkam na Vałaamie stanoŭča acaniŭ vyniki papiarednich rasijska-ŭkrainskich pieramoŭ u Stambule, prapanavaŭ jamu iści dalej i pravieści sustreču na najvyšejšym uzroŭni.
Uładzimir Pucin na sustrečy z Alaksandram Łukašenkam na Vałaamie zajaviŭ, što «ŭ cełym stanoŭča» aceńvaje pieramovy z Ukrainaj u Stambule.
«Jak možna nie stanoŭča aceńvać toje, što sotni ludziej viarnulisia na radzimu. My z humanitarnych mierkavańniaŭ pieradali tysiačy cieł zahinułych ukrainskich sałdat, atrymali ŭ adkaz niekalki dziasiatkaŭ našych», — skazaŭ Pucin. Jak jon śćviardžaje, rasčaravańni ŭ pieramovach «uźnikajuć ad zališnich čakańniaŭ».
Uładzimir Zialenski ŭ adkaz na heta napisaŭ u svaim telehram-kanale:
«My bačym i padtrymlivajem namahańni prezidenta Trampa pa zakančeńni rasijskaj vajny, usim zabojstvam i dasiahnieńniu hodnaha i tryvałaha miru. My ŭdziačnyja ŭsim u śviecie, chto padtrymlivaje pracu dziela miru i dapamahaje nam abaraniać žyćcio.
My čujem zajavy z Rasii, i kali heta sihnał pra ich surjoznuju hatoŭnaść skončyć vajnu hodna i ŭstalavać sapraŭdy praciahły mir, a nie prosta sproby vyjhrać jašče čas dla vajny i adterminoŭku sankcyj, to Ukraina jašče raz paćviardžaje svaju hatoŭnaść da sustrečy na ŭzroŭni lidaraŭ u luby čas.
My razumiejem, chto prymaje rašeńni ŭ Rasii i chto pavinien skončyć hetuju vajnu. Uvieś śviet heta taksama razumieje. Ukraina prapanuje pierajści ad abmienu zajavami i sustreč na techničnym uzroŭni da ŭzroŭniu razmovy lidaraŭ. Amieryka heta prapanoŭvała. Ukraina heta padtrymlivała. Patrebna hatoŭnaść Rasii».
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary