73-hadovy palityk staŭ pieršym byłym prezidentam u historyi krainy, jaki byŭ asudžany za złačynstva.
Były prezident Kałumbii Alvara Urybe prysudžany da 12 hadoŭ chatniaha aryštu za cisk na śviedkaŭ i machlarstva, piša Bi-bi-si.
73-hadovy palityk staŭ pieršym byłym prezidentam u historyi krainy, jaki byŭ asudžany za złačynstva. Jamu taksama zabaroniena zajmać dziaržaŭnyja pasady i pryznačany štraf u pamiery 578 000 dalaraŭ ZŠA.
Urybe, jaki nastojvaje na svajoj nievinavataści, zajaviŭ sudździ ŭ Bahacie, što maje namier abskardzić prysud. Jon śćviardžaje, što sprava nakiravanaja na toje, kab «źniščyć hołas demakratyčnaj apazicyi».
Jon zajmaŭ pasadu prezidenta z 2002 pa 2010 hod i zastajecca papularnym u Kałumbii, niahledziačy na abvinavačvańni ŭ supracoŭnictvie z pravymi vajenizavanymi hrupoŭkami dla baraćby ź levymi paŭstancami — abvinavačvańni jon admaŭlaje.
Byłoha prezidenta pryznali vinavatym pa dvuch punktach abvinavačańnia ŭ spravie ab cisku na śviedkaŭ, jakaja doŭžyłasia kala 13 hadoŭ. Dva byłyja bajeviki dali pakazańni, što były advakat Urybe, Dyjeha Kadena, prapanavaŭ im hrošy za śviedčańni na karyść Urybe.
Kadena, jakomu taksama vystaŭlenyja abvinavačvańni, admaŭlaje heta. Jon daŭ pakazańni ŭ abaronu Urybe razam ź niekalkimi inšymi byłymi bajevikami.
Raniej na hetym tydni dziaržsakratar ZŠA Marka Rubijo asudziŭ kryminalnaje pieraśled Urybe, abvinavaciŭšy sudovuju sistemu Kałumbii ŭ palityčnaj anhažavanaści.
«Adzinaje złačynstva byłoha prezidenta — heta jaho niastomnaja baraćba i abarona radzimy», — napisaŭ Rubia ŭ sacyjalnaj sietcy X.
Vajenizavanyja hrupoŭki pačali farmiravacca ŭ Kałumbii ŭ 1980-ja hady, vyjaŭlajučy svajoj metaj baraćbu ź biednaściu. Na spravie jany supraćstajali levaradykalnym partyzanskim hrupam marksisckaha kirunku, jakija raniej na praciahu dvaccaci hadoŭ vioŭ uzbrojenuju baraćbu suprać urada.
Šmat jakija ź levych uzbrojenych farmiravańniaŭ finansavalisia za košt handlu kakainam. Žorstkija sutyknieńni pamiž imi i ŭradavymi siłami sfarmavali ŭstojlivyja kanflikty za kantrol nad maršrutami kantrabandy i resursami.
Urybe atrymlivaŭ pachvału ad Vašynhtona za žorstkuju pazicyju ŭ adnosinach da levych paŭstancaŭ FARC, ale zastavaŭsia supiarečnym palitykam, jakoha krytyki abvinavačvali ŭ biaździejańni ŭ baraćbie ź biednaściu i niaroŭnaściu.
FARC padpisała mirnuju pahadnieńnie z nastupnikam Urybe u 2016 hodzie, adnak hvałt z boku razzbrojenych hrup pa‑raniejšamu praciahvajecca ŭ Kałumbii.
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary