Ministerstva infarmacyi Biełarusi papoŭniła śpis knih, raspaŭsiudžvańnie jakich ciapier zabaroniena na terytoryi krainy. Pavodle mierkavańnia viedamstva, hetyja vydańni «mohuć nanieści škodu nacyjanalnym intaresam». U abnoŭleny pieralik uvajšli tvory takich viadomych aŭtaraŭ, jak Čak Pałanik, Tom Vułf, Ru Murakami, Entani Biordžes i inšyja.
Usiaho hetym razam dadadziena 31 nazva, a ŭvohule śpis ciapier utrymlivaje 141 pazicyju. Siarod novadadadzienych — «Nievidzimki» Čaka Pałanika, «Siemia žadańnia» Entani Biordžesa, «Ekstaz» i «Tapaz» Ru Murakami, «Elektraprachaładžalny kisłotny test» Toma Vułfa, a taksama inšyja tvory, jakija tyčacca temaŭ hvałtu, seksualnaści, sacyjalnaj krytyki ci inšaha źmiestu, jaki, na dumku Mininfarma, moža być patencyjna škodnym.
Kali hetyja knihi buduć vyjaŭlenyja ŭ prodažy, Ministerstva pahražaje anulavać dziaržaŭnuju rehistracyju vydaŭca abo raspaŭsiudnika, u adpaviednaści z zakonam «Ab vydavieckaj spravie».
Namieśnik ministra infarmacyi vykazaŭsia pra zabaronienyja knihi
Mininfarm zabaraniŭ «Sučasnuju encykłapiedyju dla dziaŭčynak» Mientusavaj i jašče 17 knih
U Mininfarmie prapanavali Rasii abmieńvacca śpisami ekstremisckaj litaratury
Mininfarm unios u śpis zabaronienaj litaratury knihu, jakaja ŭvajšła ŭ top-100 najlepšych tvoraŭ XXI stahodździa
Knihi Daškieviča i Navumčyka dadali ŭ śpis «ekstremisckich»
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary
Śpis mietadyčnaj litaratury na pieryjad biez aktyŭnych palavych rabot vašaj uvazie.