Dźmitryj Łukašenka choča pastavić pad kantrol usie mabilnyja telefony
U rasparadžeńnie «Biełpoła» trapiŭ dakumient, jaki śviedčyć pra novy, niečakany kirunak u dziejnaści Prezidenckaha spartyŭnaha kłuba, jakim kiruje siaredni syn Alaksandra Łukašenki Dźmitryj.
Niahledziačy na toje, što Prezidencki spartyŭny kłub aficyjna stvorany dla raźvićcia sportu i prapahandy zdarovaha ładu žyćcia, nasamreč śfiera jahonych intaresaŭ značna bolšaja. Heta faktyčna ekanamičny instrumient siamji Łukašenki i kanał jaje ŭzbahačeńnia.
Niadaŭna delehacyja kłuba naviedała Tadžykistan i praviała pieramovy z adnoj z najbujniejšych kampanij krainy — «Aviesta Hrup». U vyniku źjaviŭsia šerah ambicyjnych płanaŭ dla supracoŭnictva.
Asobnuju ŭvahu pryciahvaje prajekt uviadzieńnia ŭ Biełarusi sistemy abaviazkovaj rehistracyi IMEI (unikalnaha numara kožnaha telefona). Usie mabilnyja pryłady, što ŭvoziacca ŭ krainu, pavinny buduć prachodzić płatnuju rehistracyju praz strukturu, padkantrolnuju PSK.
Ciapier u Biełarusi takoj sistemy niama: apieratary mohuć bačyć IMEI, ale jany nie błakujuć «šeryja» pryłady. Adnak u šerahu inšych krain (naprykład, u tym ža Tadžykistanie ci Turcyi) takaja sistema ŭžo pracuje.
U Tadžykistanie dziejničaje sistema DIRBS, raspracavanaja z dapamohaj kampanii z Pakistana, i PSK, mahčyma, płanuje pieraniać hetuju madel z udziełam taho ž partniora — «Aviesta Hrup».
Kali prajekt budzie realizavany, PSK atrymaje:
- manapoliju i kantrol nad mabilnym rynkam;
- miljonnyja dachody ad rehistracyi pryład;
- mahčymaść upłyvać na rynak techniki, abmiažoŭvajučy šery impart;
- dostup da vialikich abjomaŭ asabistych danych karystalnikaŭ — što daje i palityčnuju, i ekanamičnuju ŭładu.
Tamu faktyčna havorka idzie nie prosta pra novy biznes. Heta stvareńnie miechanizmu poŭnaha ličbavaha kantrolu, jaki moža apynucca ŭ rukach siamji Łukašenki.
A ŭ dadatak PSK ad supracoŭnictva z Tadžykistanam choča mieć dachody z nastupnych kirunkaŭ dziejnaści:
- stvareńnie ahulnaha pradpryjemstva pa raźviadzieńni bujnoj rahataj žyvioły dla ekspartu ŭ Tadžykistan;
- budaŭnictva enierhietyčnych abjektaŭ, u tym liku z vykarystańniem adnaŭlalnych krynic;
- arhanizacyja ŭzajemnaha tavaraabarotu pamiž krainami;
- zabieśpiačeńnie biełaruskich pradpryjemstvaŭ tadžykskimi rabočymi, što daje mahčymaść manietyzavać pracoŭnuju siłu.
Dźmitryj Łukašenka źnik ź infarmacyjnaj prastory
Dźmitryja Łukašenki nie było z baćkam i bratami na adznačeńni 3 Lipienia
Ad 300 000 da 500 000 dalaraŭ. Stała viadoma, chto pryvioz Džejsana Deruła ŭ Biełaruś
Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary